[Raksmey News] - កំពង់ផែស្វយ័តខេត្តព្រះសីហនុប្រារព្ធទិវាពលកម្ម១ឩសភា
2019-05-01
ទៅកាន់ទំព័រចុះផ្សាយក្នុង Raksmey News
ដោយ៖វណ្ណៈ+សារ៉េត/ព្រះសីហនុ៖ព្រឹកថ្ងៃទី១ ខែឧសភា ឆ្នាំ២០១៩នៅកំពង់ផែស្វយ័តក្រុងព្រះសីហនុ លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោហ៊ុនសែន។លោកបានអញ្ជើញជួបសំណេះសំណាលនិងសាកសួរសុខទុក្ខកម្មករកម្មការិនីបុគ្គលិកកំពង់ផែស្វយ័តក្រុងព្រះសីហនុក្នុងថ្ងៃប្រារព្ធខួបលើកទី១៣៣ទិវាពលកម្មអន្តរជាតិ១សភា។
ដោយមានការអញ្ជើញចូលរួមពីលោកស៊ុនចាន់ថុលទេសរដ្ឋមន្ត្រីរដ្ឋមន្ត្រីក្រសួងសាធារណការនិងដឹកជញ្ជូន ថ្នាក់ដឹកនាំខេត្តព្រះសីហនុនិងមន្ត្រីរាជការក្នុងខេត្ត ថ្នាក់ដឹកនាំកំពង់ផែ កម្មករ-កម្មការិនី បុគ្គលិកកំពង់ផែស្វយ័តខេត្តព្រះសីហនុ តំណាងអង្គភាពនានាដែលកំពុងបំពេញការងារក្នុងកំពង់ផែ ព្រមទាំងបណ្តាក្រុមហ៊ុន និងអង្គការដៃគូអភិវឌ្ឍន៍មួយចំនួនទៀតផងដែរ។
លោកអគ្គបណ្ឌិតសភាចារ្យ អូន ព័ន្ធមុនីរ័ត្ន មានប្រសាសន៍សំណេះសំណាលដោយបានចាត់ទុក ទិវាពលកម្មអន្តរជាតិគឺជាទិវាប្រវត្តិសាស្ត្រពិភពលោកដែលតែងតែត្រូវបានប្រារព្ធឡើង។ក្នុងគោលបំណងចងចាំនូវចលនាតស៊ូយ៉ាងអង់អាចក្លាហានរបស់កម្មករ-និយោជិតតាមបណ្ដាប្រទេសនានាក្នុងអំឡុងចុងសតវត្សទី១៩។
ដែលទទួលការជិះជាន់កម្លាំងពលកម្មពិសេសគឺការទទួលស្គាល់នូវសិទ្ធិទទួលបាននូវលក្ខខណ្ឌការងារសមរម្យនិងផ្ដល់តម្លៃក្នុងការរួមចំណែកក្នុងការអភិវឌ្ឍសង្គមនិងសេដ្ឋកិច្ចជាតិ។ ចំពោះប្រទេសកម្ពុជាយើងរាជរដ្ឋាភិបាលតែងប្រារព្ធទិវាពលកម្មអន្តរជាតិជារៀងរាល់ថ្ងៃទី១ ខែឧសភា និងអនុញ្ញាតឱ្យមន្ត្រីរាជការកម្មករ-និយោជិតទាំងអស់បានឈប់សម្រាកដើម្បីចូលរួមអបអរទិវានេះ៕S/
