[Bayon TV] - ក្រសួងសាធារណការបង្ហាញប្រព័ន្ធបច្ចេកវិទ្យា ដែលធានាសុវត្ថិភាពចរាចរណ៍ផ្លូវគោក
2019-02-22
ទៅកាន់ទំព័រចុះផ្សាយក្នុង Bayon TV
ភ្នំពេញ ៖ ក្រសួងសាធារណការ និងដឹកជញ្ជូន បានដាក់បង្ហាញអំពីប្រព័ន្ធបច្ចេកវិទ្យា ដែលធានាសុវត្ថិភាពចរាចរណ៍ផ្លូវគោក តាមរយៈការពង្រឹងគុណភាពដល់អ្នកបើកបររថយន្ត និងទ្រឹស្តីនៃការបើកបរពិតប្រាកដ ឈានទៅកាត់បន្ថយគ្រោះ ថ្នាក់ចរាចរណ៍នៅលើដងផ្លូវ។
ក្នុងកម្មវិធីដាក់តាំងបង្ហាញប្រព័ន្ធបច្ចេកវិទ្យារបស់ក្រសួងសាធារណការ និងដឹកជញ្ជូន នៅព្រឹកថ្ងៃទី២២ ខែកុម្ភៈ នេះលោកជំទាវ មិន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការ គណៈកម្មាធិការជាតិសុវត្ថិភាពចរាចរណ៍ផ្លូវគោក មានប្រសាសន៍ថា ប្រព័ន្ធបច្ចេកវិទ្យាក្នុងវិស័យសាធារណការ និងដឹកជញ្ជូន ដែលបានដាក់តាំងបង្ហាញរួមមានដូចជា ទី១ ប្រព័ន្ធស្វ័យប្រវត្តិកម្មចុះបញ្ជីយានជំនិះ ទី២ ត្រួតពិនិត្យលក្ខណៈបច្ចេកទេសយានជំនិះ ទី៣ ប្រឡងយកបណ្ណបើកបរ ទី៤ កម្មវិធីយល់ដឹងអំពីទ្រឹស្តីនៃការបើកបរ ទី៥ កម្មវិធីព័ត៌មានសាធារណការ និងដឹកជញ្ជូន និងទី៦ កម្មវិធីថែទាំផ្លូវ ឬហៅថា ROAD CARE mobile app ជាដើម។
ថ្លែងប្រាប់អ្នកសារព័ត៌មាន លោកជំទាវ មិន មាណវី បានប្រាប់ពីគោលបំណងនៃការដាក់តាំងបង្ហាញនូវប្រព័ន្ធបច្ចេកវិទ្យាក្នុងវិស័យសាធារណការ និងដឹកជញ្ជូន យ៉ាងដូច្នេះថា៖
សូមបញ្ជាក់ថា ការតាំងបង្ហាញប្រព័ន្ធបច្ចេកវិទ្យា ដែលធានាសុវត្ថិភាពចរាចរណ៍ផ្លូវគោនេះ ក្រសួងសាធារណការ និងដឹកជញ្ជូនបានរៀបចំធ្វើឡើងមានរយៈពេល ៣ថ្ងៃ គិតចាប់ពីថ្ងៃទី២២ ដល់ថ្ងៃទី២៤ ខែកុម្ភៈ ឆ្នាំ២០១៩ ពីម៉ោង៩ព្រឹក ដល់ម៉ោង៦ល្ងាច នៅមជ្ឈមណ្ឌលសហប្រតិបត្តិការកម្ពុជា-ជប៉ុនហៅកាត់ CJCC ហើយនៅថ្ងៃទី១នេះ គេសង្កេតឃើញមានសិស្ស និងនិស្សិតជាច្រើនបានចូលរួមស្វែងយល់ផងដែរ៕
