ស្ពានឆ្លងកាត់ទន្លេមេគង្គ ដីឥដ្ឋ-ថ្មគរ ខេត្តកណ្ដាល មានប្រវែង ១.៦០០ម៉ែត្រ សម្រេចបានលទ្ធផលជារួម ៥៣,៨១% ហើយ ការសាសង់ស្ពានឆ្លងកាត់ទន្លេមេគង្គ ដីឥដ្ឋ-ថ្មគរ ជាប្រភេទស្ពានបេតុង មានប្រវែង ១.៦០០ ម៉ែត្រ និងទទឹង ២៦ម៉ែត្រ ៤គន្លងផ្លូវ ផ្លូវតភ្ជាប់ក្បាលស្ពាន ប្រវែង ២.១០០ ម៉ែត្រ ទទឹងផ្លូវ២៦ ម៉ែត្រ ក្រាលបេតុងកៅស៊ូ និងសាងសង់ផ្លូវបង្វែរទិសចរាចរណ៍ ចំនួន៤ខ្សែ គិតត្រឹមបច្ចុប្បន្នសម្រេចបានលទ្ធផលជារួម ៥៣,៨១% គ្រោងនឹងបញ្ចប់ក្នុងឆ្នាំ២០២៨ ខាងមុខ ដែលមានទីតាំងត្រើយខាងលិចស្ថិតក្នុង ឃុំដីឥដ្ឋ ស្រុកកៀនស្វាយ និងត្រើយខាងកើតស្ថិតក្នុងឃុំថ្មគរ ស្រុកល្វាឯម ខេត្តកណ្តាល។ ក្រោយពេលសាងសង់រួចស្ពាននេះ នឹងក្លាយជាផ្លូវដ៏សំខាន់សម្រាប់ការតភ្ជាប់ចរាចរណ៍ និងការដឹកជញ្ជូនពីភាគខាងត្បូង និងខាងកើតនៃរាជធានីភ្នំពេញ ជាមួយផ្លូវល្បឿនលឿនភ្នំពេញ-បាវិត ជួយកាត់បន្ថយការចំណាយ សម្រួលដល់ការធ្វើដំណើររបស់ប្រជាពលរដ្ឋឱ្យបានលឿនរហ័ស ជួយជំរុញកំណេីនសេដ្ឋកិច្ចជាតិ និងការវិនិយោគនៅក្នុងតំបន់។