កិច្ចប្រជុំពិភាក្សាទ្វេភាគីជាមួយក្រុមការងារបេសកកម្មលើកទី៦ របស់ធនាគារពិភពលោក (WB) ទីស្ដីការក្រសួង៖ នាព្រឹកថ្ងៃចន្ទ ទី២២ ខែមិថុនា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំពិភាក្សាទ្វេភាគី ជាមួយក្រុមការងារបេសកកម្មលើកទី៦ របស់ធនាគារពិភពលោក (WB) ដែលដឹកនាំដោយលោកស្រី Katelijn van den Berg អ្នកឯកទេសជាន់ខ្ពស់ផ្នែកបរិស្ថាន និងជាប្រធានក្រុមការងារបេសកកម្មរបស់ធនាគារពិភពលោក (WB) ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ លោកប្រធានគ្រប់គ្រងគម្រោង និងសមាជិកគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងផ្លាស្ទិក នៃក្រសួងសាធារណការ និងដឹកជញ្ជូន ក្រុមការងារបេសកកម្មរបស់ធនាគារពិភពលោក ក្រុមហ៊ុនទីប្រឹក្សាបច្ចេកទេស DOHWA Engineering និងមន្ត្រីជំនាញពាក់ព័ន្ធ។ កិច្ចប្រជុំនេះគឺធ្វើឡើងក្នុងគោលបំណងដើម្បីពិភាក្សាអំពីលទ្ធផលការងារនៃការរចនាប្លង់ទីលានទុកដាក់សំរាមជាបឋម របស់ក្រុមហ៊ុនទីប្រឹក្សាបច្ចេកទេស DOHWA Engineering សម្រាប់ខេត្តគោលដៅទាំង៣ ព្រមទាំងការពិគ្រោះយោបល់ និងការផ្ដល់នូវអនុសាសន៍ផ្សេងៗពីភាគីពាក់ព័ន្ធ ដើម្បីពន្លឿនការអនុវត្តគម្រោ ងនិងត្រៀមលក្ខណៈសម្រាប់ការត្រួតពិនិត្យឡើងវិញពាក់កណ្តាលអាណត្តិ (Mid Term Review)៕