ក្រសួងសាធារណការ និងដឹកជញ្ជូន ចូលរួមរៀបចំស្តង់តាំងពិពរណ៍ ក្នុងទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈលើកទី៩ ឆ្នាំ២០២៦ រាជធានីភ្នំពេញ៖ នាព្រឹកថ្ងៃ១៥ ខែមិថុនា ឆ្នាំ២០២៦ ឯកឧត្តម កឹង ម៉ៅ រដ្ឋលេខាធិការ តំណាង ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញចូលរួមទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៩ ក្រោមប្រធានបទ “TVET ផ្ដល់ជំនាញការងារ និងប្រាក់ចំណូល” ក្រោមអធិបតីភាព ដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅមជ្ឈមណ្ឌលសន្និបាត និងពិព័រណ៍កោះពេជ្រ។ ទន្ទឹមនឹងនេះបងប្អូនប្រជាពលរដ្ឋក៏អាចចូលរួមទស្សនាស្តង់របស់ក្រសួងសាធារណការ និងដឹកជញ្ជូន ដែលមានតាំងបង្ហាញសមិទ្ធផល ក្នុងវិស័យសាធារណការ និងដឹកជញ្ជូន ចាប់ពីព្រឹកថ្ងៃទី១៥ ដល់ថ្ងៃទី១៦ ខែមិថុនា ឆ្នាំ២០២៦នេះតទៅ៕