កិច្ចប្រជុំដំបូងជាមួយតំណាងធនាគារវិនិយោគហេដ្ឋារចនាសម្ព័ន្ធអាស៊ី លើគម្រោងធ្វើឱ្យប្រសើរឡើងហេដ្ឋារចនាសម្ព័ន្ធផ្លូវថ្នល់ និងសុវត្ថិភាពផ្លូវថ្នល់ឱ្យធន់នឹងទឹកជំនន់ និងគម្រោងពង្រឹងការតភ្ជាប់ឆ្លងកាត់ព្រំដែនដំណាក់កាលទី២ ទីស្ដីការក្រសួង៖ នាថ្ងៃព្រហស្បតិ៍ ទី១១ ខែមិថុនា ឆ្នាំ២០២៦ ឯកឧត្តម ប៊ុន សុផាត អនុរដ្ឋលេខាធិការ និងជានាយករងគម្រោង តំណាងដ៏ខ្ពង់ខ្ពស់ ឯកឧត្តម ប៉ាល់ ចន្ទតារា រដ្ឋលេខាធិការ និងជានាយកគម្រោង បានជួបពិភាក្សាការងារជាមួយគណៈប្រតិភូធនាគារធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដឹកនាំដោយ លោក Tomas Herrero Diez ,Project Team Leader នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដោយមានការចូលរួមពីសំណាក់ ឯកឧត្តម លោក លោកស្រី ជាសមាជិកគម្រោងទាំងអស់។ កិច្ចប្រជុំនេះរៀបចំឡើងដើម្បីពិនិត្យពិភាក្សាអំពីសារៈសំខាន់នៃគម្រោងធ្វើឱ្យប្រសើរឡើងហេដ្ឋារចនាសម្ព័ន្ធផ្លូវថ្នល់ និងសុវត្ថិភាពផ្លូវថ្នល់ឱ្យធន់នឹងទឹកជំនន់ និងគម្រោងពង្រឹងការតភ្ជាប់ឆ្លងកាត់ព្រំដែនដំណាក់កាលទី២ ដែលអាចលើកកម្ពស់ការតភ្ជាប់ហេដ្ឋារចនាសម្ព័ន្ធក្នុងប្រទេស និងការដឹកជញ្ជូនឆ្លងកាត់ព្រំដែន ព្រមទាំងសម្រួលដល់សកម្មភាពសេដ្ឋកិច្ចនិងសង្គមរបស់ប្រជាជន។ បន្ថែមពីនេះ កិច្ចប្រជុំក៏បានជជែកពិភាក្សាលើទិដ្ឋភាពទូទៅនិងស្ថានភាពនៃបណ្ដាញខ្សែផ្លូវដែលស្ថិតក្នុងគម្រោង លក្ខខណ្ឌយោងនៃការងារ (Terms of Reference - TOR) និងការងារផ្សេងៗទៀត ដើម្បីពន្លឿននីតិវិធីចរចាគម្រោងឱ្យស្របនឹងស្ដង់ដារបច្ចេកទេសរបស់ក្រសួង និងធនាគារ៕