ពិធីបើកវគ្គបណ្តុះបណ្តាល និងសម្ពោធផ្លាក “មជ្ឈមណ្ឌលអប់រំ និងបណ្តុះបណ្តាលសុវត្ថិភាពចរាចរណ៍កម្ពុជា” នៅក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ រាជធានីភ្នំពេញ៖ នារសៀលថ្ងៃចន្ទ ទី៨ ខែមិថុនា ឆ្នាំ២០២៦ ឯកឧត្តម ស៊ឹង សុគង់ អនុរដ្ឋលេខាធិការ តំណាងឯកឧត្តម សួង ហេង រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញជាអធិបតីពិធីបើកវគ្គបណ្តុះបណ្តាល និងសម្ពោធផ្លាក “មជ្ឈមណ្ឌលអប់រំ និងបណ្តុះបណ្តាលសុវត្ថិភាពចរាចរណ៍កម្ពុជា” ដែលរៀបចំឡើងដោយក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ និងដោយមានការអញ្ជើញចូលរួមពីសំណាក់ តំណាងអគ្គស្នងការដ្ឋាននគរបាលជាតិ ប្រចាំការផ្លូវល្បឿនលឿនភ្នំពេញ-ក្រុងព្រះសីហនុ និងមន្ត្រីជំនាញក្រសួងផងដែរ។ ការសម្ពោធជាផ្លូវការនៃ “មជ្ឈមណ្ឌលអប់រំ និងបណ្តុះបណ្តាលសុវត្ថិភាពចរាចរណ៍កម្ពុជា” គឺជាលទ្ធផលនៃការរៀបចំឱ្យមានលក្ខណៈប្រព័ន្ធនៃបទពិសោធន៍អនុវត្តផ្នែកសុវត្ថិភាពរយៈពេលបួនឆ្នាំរបស់ផ្លូវល្បឿនលឿនភ្នំពេញ-ក្រុងព្រះសីហនុ ហើយក៏ជាវិធានការសំខាន់មួយក្នុងការបម្លែងសមត្ថភាព សុវត្ថិភាពរបស់សហគ្រាសឱ្យក្លាយជាធនធានសាធារណៈ។ មជ្ឈមណ្ឌលនេះនឹងផ្តល់ការគាំទ្រដ៏រឹងមាំសម្រាប់ការលើកកម្ពស់កម្រិតគ្រប់គ្រងសុវត្ថិភាពចរាចរណ៍ និងការអភិវឌ្ឍធនធានមនុស្សផ្នែកនេះនៅកម្ពុជា៕