កិច្ចប្រជុំលើកដំបូងរបស់ក្រុមការងារកែទម្រង់ច្បាប់ និងក្រុមការងារវាយតម្លៃលើផលប៉ះពាល់នៃលិខិតបទដ្ឋានគតិយុត្តរបស់ក្រសួងសាធារណការ និងដឹកជញ្ជូន ទីស្ដីការក្រសួង៖ នាថ្ងៃពុធ ទី១៣ ខែឧសភា ឆ្នាំ២០២៦ ឯកឧត្ដម ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមការងារ អញ្ជើញដឹកនាំកិច្ចប្រជុំលើកដំបូងរបស់ក្រុមការងារកែទម្រង់ច្បាប់ និងក្រុមការងារវាយតម្លៃលើផលប៉ះពាល់នៃលិខិតបទដ្ឋានគតិយុត្តរបស់ក្រសួងសាធារណការ និងដឹកជញ្ជូន ដោយមានការចូលរួមពីសំណាក់ឯកឧត្ដម លោកជំទាវ លោក លោកស្រីជាសមាជិកក្រុមការងារ ព្រមទាំងមន្ត្រីជំនាញពាក់ព័ន្ធជាច្រើនរូប។ កិច្ចប្រជុំលើកដំបូងនេះធ្វើឡើងក្នុងគោលបំណង ប្រកាសសមាសភាពក្រុមការងារទាំងពីរ រៀបចំផែនការយុទ្ធសាស្ត្រ ផែនការសកម្មភាព និងការងារពាក់ព័ន្ធនឹងការវាយតម្លៃលើផលប៉ះពាល់នៃលិខិតបទដ្ឋានគតិយុត្ត ព្រមទាំងដឹកនាំនិងគ្រប់គ្រងការងារកែទម្រង់ច្បាប់ក្នុងវិស័យសាធារណការ និងដឹកជញ្ជូន ស្របតាមក្របខ័ណ្ឌយុទ្ធសាស្ត្រនៃកម្មវិធីកែទម្រង់ច្បាប់រាជរដ្ឋាភិបាល៕