ថ្នាក់ដឹកនាំក្រសួងធ្វើដំណើរទស្សនកិច្ចចូលរួមក្នុងពិធីខួបទី៣០ឆ្នាំ នៃក្រុមហ៊ុន LINGZHI EQUIPMENT ក្នុងទីក្រុងYixin ខេត្ត Jiangsu ប្រទេសចិន ប្រទេសចិន៖ នាថ្ងៃទី៣០ ខែមេសា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន អញ្ជើញដឹកនាំប្រតិភូក្រសួងចូលរួមទស្សនកិច្ចក្នុងពិធីខួបទី៣០ឆ្នាំ នៃក្រុមហ៊ុន LINGZHI EQUIPMENT ក្នុងទីក្រុងYixin ខេត្ត Jiangsu ប្រទេសចិន។ ក្នុងដំណើរទស្សនកិច្ចនេះផងដែរក៏មានការអញ្ជើញចូលរួមពី ឯកឧត្តមអនុរដ្ឋលេខាធិការ លោកស្រីអគ្គនាយករង អគ្គនាយកដ្ឋានប្រព័ន្ធចម្រោះទឹកកខ្វក់ នៃក្រសួងសាធារណការ និងដឹកជញ្ជូន។ ដំណើរទស្សនកិច្ចនេះ គឺដើម្បីចូលរួមអបអរសាទរពិធីខួបទី៣០ឆ្នាំ នៃក្រុមហ៊ុន LINGZHI EQUIPMENT និងស្វែងយល់អំពីឧបករណ៍សម្ភារៈ សម្រាប់ប្រើប្រាស់ក្នុងវិស័យទឹកស្អាត និងទឹកកខ្វក់ និងការស្វែងរកឱកាសសម្រាប់កិច្ចសហប្រតិបត្តិការជាមួយប្រទេសចិនផងដែរ៕