ឯកឧត្តម ខាន់ ម៉ាណេរ ដឹកនាំក្រុមការងារគ្រប់គ្រង និងអនុវត្តគម្រោងសាងសង់ផ្លូវជាតិលេខ១០ ចុះពិនិត្យស្ថានភាពផ្លូវ ក្រោយពីបានដាក់ឱ្យប្រើប្រាស់បណ្តោះអាសន្នរយៈពេល១ឆ្នាំ គ្រោងនឹងប្រគល់-ទទួល បញ្ចប់សុពលភាពនាពេលខាងមុខ នាថ្ងៃព្រហស្បតិ៍ ទី៣០ ខែមេសា ឆ្នាំ២០២៦ ឯកឧត្តម ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន អញ្ជើញដឹកនាំក្រុមការងារគ្រប់គ្រង និងអនុវត្តគម្រោងសាងសង់ផ្លូវជាតិលេខ១០ ចុះពិនិត្យស្ថានភាពផ្លូវ ក្រោយពីបានដាក់ឱ្យប្រើប្រាស់បណ្តោះអាសន្នរយៈពេល១ឆ្នាំ គ្រោងនឹងប្រគល់ទទួលបញ្ចប់សុពលភាពពេលខាងមុខ ដោយមានការអមដំណើរពីឯកឧត្ដមអនុរដ្ឋលេខាធិការ ក្រុមហ៊ុនសាងសង់CRBC និងក្រុមហ៊ុនទីប្រឹក្សាបច្ចេកទេស ក្វាងចូវវ៉ានអាន និងមន្ត្រីបច្ចេកទេសជំនាញពាក់ព័ន្ធ។ ការចុះពិនិត្យនេះធ្វើឡើងដើម្បីពិនិត្យស្ថានភាពផ្លូវ ក្រោយពីបានដាក់ឲ្យប្រើប្រាស់បណ្តោះអសន្នរយៈពេល១ឆ្នាំ មុននឹងប្រគល់-ទទួលបញ្ចប់សុពលភាពនាពេលខាងមុខនេះ ដើម្បីធានាបាននូវការប្រើប្រាស់យូរអង្វែងស្របតាមបទដ្ឋានបច្ចេកទេស ៕