ការចុះពិនិត្យលទ្ធផលការងារ នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) របស់ក្រុមការងារធនាគារពិភពលោក នៅខេត្តសៀមរាប សៀមរាប៖នាថ្ងៃព្រហស្បតិ៍ ទី២ ខែមេសា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូនបានអញ្ជើញដឹកនាំគណៈប្រតិភូក្រសួង ដើម្បីចូលរួមក្នុងដំណើរបេសកកម្មគាំទ្រការអនុវត្តគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) របស់ក្រុមការងារធនាគារពិភពលោក (WB) ទៅកាន់ខេត្តសៀមរាប។ ក្នុងដំណើរបំពេញបេសកកម្មនេះក៏មានការអញ្ជើញចូលរួមពី ថ្នាក់ដឹកនាំក្រសួង នាយកគម្រោង ក្រុមការងារគ្រប់គ្រងគម្រោង WaSSIP ក្រុមការងារធនាគារពិភពលោក តំណាងConsultant ក្រុមហ៊ុនម៉ៅការសាងសង់ ក្រុមហ៊ុនទីប្រឹក្សា មន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ និងតំណាងមន្ទីរសាធារណការ និងដឹកជញ្ជូនខេត្តសៀមរាប ផងដែរ។ ដំណើរបេសកកម្មនេះរៀបចំឡើងក្នុងគោលបំណង ដើម្បីចុះពិនិត្យវឌ្ឍនភាពការងាររបស់គម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ព្រមទាំងប្រជុំពិភាក្សាលទ្ធផលការងារដែលបានដោះស្រាយនាពេលកន្លងមក ដើម្បីស្វែងរកដំណោះស្រាយលើបញ្ហាប្រឈមនានាឱ្យបានទាន់ពេលវេលា ធ្វើយ៉ាងណាជំរុញឱ្យដំណើរការអនុវត្តគម្រោងសម្រេចបានស្របទៅតាមផែនការដែលបានគ្រោងទុក៕