កិច្ចប្រជុំពិនិត្យវឌ្ឍនភាពការងារគម្រោងលើកកម្ពស់ការតភ្ជាប់ហេដ្ឋារចនាសម្ព័ន្ធក្នុងតំបន់ នៅព្រះរាជាណាចក្រកម្ពុជា (CRCI) ទីស្ដីការក្រសួង៖ នាថ្ងៃសុក្រ ទី៦ ខែមីនា ឆ្នាំ២០២៥ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំពិនិត្យវឌ្ឍនភាពការងារគម្រោងលើកកម្ពស់ការតភ្ជាប់ហេដ្ឋារចនាសម្ព័ន្ធក្នុងតំបន់ នៅព្រះរាជាណាចក្រកម្ពុជា CRCI (Cambodia Regional Connectivity Improvement Project) ក្រោមក្របខ័ណ្ឌហិរញ្ញប្បទានពីធនាគារពិភពលោក ដោយមានការអញ្ជើញចូលរួមពីថ្នាក់ដឹកនាំ និងសមាជិក សមាជិកាគម្រោងជាច្រើនរូប។ កិច្ចប្រជុំនេះរៀបចំឡើង ដើម្បីពិនិត្យវឌ្ឍនភាពការងារផ្នែករៀបចំផែនការហិរញ្ញវត្ថុ លទ្ធកម្ម បរិស្ថាន និងសង្គម។ បន្ថែមពីនេះ ឯកឧត្តមរដ្ឋលេខាធិការ ក៏បានផ្ដល់អនុសាសន៍ណែនាំដល់អង្គភាពគ្រប់គ្រងគម្រោង ត្រូវយកចិត្តទុកដាក់សហការគ្នា ខិតខំអនុវត្តភារកិច្ចប្រកបដោយស្មារតីទទួលខុសត្រូវខ្ពស់ ធ្វើយ៉ាងណាឱ្យគម្រោងទទួលបានលទ្ធផលល្អ ស្របតាមផែនការដែលបានគ្រោងទុក៕