កិច្ចប្រជុំស្តីពីសេចក្តីព្រាងប្រកាសចំនួនបួន ពាក់ព័ន្ធនឹងការគ្រប់គ្រង និងការអនុវត្តការដឹកជញ្ជូនទំនិញគ្រោះថ្នាក់តាមផ្លូវគោក ទីស្ដីការក្រសួង៖ នារព្រឹកថ្ងៃចន្ទ ទី១៣ ខែមករា ឆ្នាំ២០២៦ ឯកឧត្តម ពៅ ម៉ាលី រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំ ស្តីពីសេចក្តីព្រាងប្រកាសចំនួនបួន ដែលពាក់ព័ន្ធនឹងការគ្រប់គ្រង និង ការអនុវត្តការដឹកជញ្ជូនទំនិញគ្រោះថ្នាក់តាមផ្លូវគោក ដោយមានការអញ្ជើញចូលរួមពីឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង លោកស្រីប្រធាន លោកអនុប្រធាននាយកដ្ឋាន និងមន្ត្រីជំនាញផ្សេងទៀតនៃអគ្គនាយកដ្ឋានដឹកជញ្ជូនផ្លូវគោក ។ កិច្ចប្រជុំនេះធ្វើឡើងដើម្បីពិនិត្យ និងកែសម្រួលលើសេចក្តីព្រាងប្រកាសសម្រាប់គ្រប់គ្រងការដឹកជញ្ជូនទំនិញគ្រោះថ្នាក់នៅក្នុងព្រះរាជាណាចក្រកម្ពុជា ដើម្បីធានាយ៉ាងណាអោយការដឹកជញ្ជូនទំនិញគ្រោះថ្នាក់ទាំងអស់មានសុវត្ថិភាពត្រឹមត្រូវស្របតាមស្តង់ដារបច្ចេកទេស និងស្របតាមបទបញ្ញត្តិរបស់គណៈកម្មការសេដ្ឋកិច្ចរបស់អង្គការសហប្រជាជាតិ ស្តីពីការដឹកជញ្ជូនទំនិញគ្រោះថ្នាក់តាមផ្លូវថ្នល់របស់អឺរ៉ុប(The European Agreement Concerning the International Carriage of Dangerous Goods by Road “ADR”) ដែលបច្ចុប្បន្នមានប្រទេស និងរដ្ឋ ចំនួន៥៥ទទួលយក ដោយក្នុងនោះមានប្រទេសក្នុងអាស៊ាន ចំនួន១០ទទួលយកផងដែរ ៕