សិក្ខាសាលាថ្នាក់ជាតិស្ដីពីការសិក្សាពីផែនទីលើតំបន់ដែលងាយរងគ្រោះ ដោយសារប្រេងកំពប់ និងសារធាតុគ្រោះថ្នាក់នៅក្នុងព្រះរាជាណាចក្រកម្ពុជា ភ្នំពេញ៖ នាព្រឹកថ្ងៃអង្គារ ទី២ ខែធ្នូ ឆ្នាំ២០២៥ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ បានសហការជាមួយអង្គការនាវាចរណ៍សមុទ្រ និង អង្គការ Global Initiative for Southeast Asia (GI SEA) រៀបចំសិក្ខាសាលាថ្នាក់ជាតិស្ដីពីការសិក្សាពីផែនទីលើតំបន់ដែលងាយរងគ្រោះ ដោយសារប្រេងកំពប់ និងសារធាតុគ្រោះថ្នាក់នៅក្នុងព្រះរាជាណាចក្រកម្ពុជា (Spill Sensitivity Mapping Workshop) ក្រោមអធិបតីភាពឯកឧត្តម ហេង សុធី អគ្គនាយក នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ដោយមានការចូលរួមពីក្រសួង-ស្ថាប័នពាក់ព័ន្ធ ក្រុមហ៊ុនប្រេង គ្រូបង្គោលមកពីអង្គការនាវាចរណ៍សមុទ្រអន្តរជាតិ និងនាយកគ្រប់គ្រងគម្រោងថ្នាក់តំបន់អាស៊ីអាគ្នេយ៍ GISEAផងដែរ។ សិក្សាសាលានេះនឹងប្រព្រឹត្តទៅរយៈពេល៣ថ្ងៃ គឺចាប់ពីថ្ងៃទី២ ដល់ទី៤ ខែធ្នូ ឆ្នាំ២០២៥ ក្នុងគោលបំណងដើម្បីផ្សព្វផ្សាយអំពីសារៈសំខាន់នៃការវិភាគចំពោះហានិភ័យទៅលើតំបន់ដែលងាយរងគ្រោះដោយសារប្រេងកំពប់ និងការធ្វើបច្ចុប្បន្នភាពលើផែនទីនៃតំបន់ដែលងាយរងផលប៉ះពាល់ដោយសារប្រេងកំពប់ និងសារធាតុគ្រោះថ្នាក់ និងការសិក្សាពីផែនទីលើតំបន់ដែលងាយរងគ្រោះ ដោយសារប្រេងកំពប់និងសារធាតុគ្រោះថ្នាក់នៅក្នុងព្រះរាជាណាចក្រកម្ពុជា និងយន្តការក្នុងការឆ្លើយតបឱ្យទាន់ពេលវេលា និងមានប្រសិទ្ធភាព ករណីមានឧបទ្ទវហេតុនៃប្រេងកំពប់កើតឡើងនាពេលខាងមុខ ៕