លោកជំទាវរដ្ឋលេខាធិការ ទទួលជួបពិភាក្សាជាមួយគណៈប្រតិភូធនាគារអភិវឌ្ឍន៍អាស៊ី (ADB)លើការងារយេនឌ័រ និងបរិយាបន្នក្នុងបម្រែបម្រួលអាកាសធាតុ ទីស្ដីការក្រសួង៖ នាព្រឹកថ្ងៃសុក្រ ទី៣ ខែតុលា ឆ្នាំ២០២៥ លោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន ទទួលជួបពិភាក្សាជាមួយគណៈប្រតិភូធនាគារអភិវឌ្ឍន៍អាស៊ី (ADB) លើការងារយេនឌ័រ និងបរិយាបន្នក្នុងបម្រែបម្រួលអាកាសធាតុ ដោយមានការចូលរួមពីគណៈកម្មការយេនឌ័រនៃក្រសួងសាធារណការ និងដឹកជញ្ជូន ក្រុមការងារធនាគារអភិវឌ្ឍន៍អាស៊ី (ADB ) និងតំណាងអគ្គនាយកដ្ឋានពាក់ព័ន្ធ។ ជំនួបពិភាក្សានេះផ្តោតសំខាន់ទៅលើការស្វែងយល់ការបញ្ជ្រាបចូលបម្រែបម្រួលអាកាសធាតុនៅក្នុងការធ្វើផែនការយុទ្ធសាស្ត្រយេនឌ័ររយៈពេល៣ឆ្នាំ របស់ក្រសួងសាធារណការ និងដឹកជញ្ជូន ក្រោមសូចនាករ NDC ៣.០ ដើម្បីបង្កើនសមត្ថភាពស្រ្តី និងជំរុញអោយមានការចូលរួមចំណែកនៅក្នុងការធ្វើផែនការសាងសង់ថែទាំផ្លូវ និងបង្កើនការយល់ដឹងរបស់ស្ត្រីទៅលើផលប៉ះពាល់នៅបម្រែបម្រួលអាកាសធាតុទៅលើស្ត្រី កុមារ មនុស្សចាស់ និងជនពិការ។ ជាលទ្ធផលនៃកិច្ចប្រជុំ គណៈប្រតិភូធនាគារអភិវឌ្ឍន៍អាស៊ី នឹងបន្តជួយសម្របសម្រួល និងប្រឹក្សាយោបល់បន្ថែម ទៅលើដំណើរនៃការរៀបចំផែនការយុទ្ធសាស្ត្របញ្ជ្រាបយេនឌ័រក្នុងវិស័យសាធារណការ និងដឹកជញ្ជូន និងជំហានបន្ទាប់បន្តធ្វើគោលការណ៍ណែនាំទៅលើការបញ្ជ្រាបយេនឌ័រផែនការយុទ្ធសាស្ត្រនេះឱ្យបានគ្រប់ជ្រុងជ្រោយ៕