កិច្ចពិភាក្សាការងារសិក្សាបច្ចេកទេសលម្អិតសម្រាប់ គម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធប្រព្រឹត្តកម្មទឹកកខ្វក់ នៅក្រុងច្បារមន ខេត្តកំពង់ស្ពឺ កំពង់ស្ពឺ៖ នាព្រឹកថ្ងៃព្រហស្បតិ៍ ទី២១ ខែសីហា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធប្រព្រឹត្តកម្មទឹកកខ្វក់នៅក្រុងច្បារមន ខេត្តកំពង់ស្ពឺ និងឯកឧត្តម ស្រ៊ុន ស្រ៊ន់ អភិបាលរង និងជាតំណាងដ៏ខ្ពង់ខ្ពស់របស់ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ អញ្ជើញជាសហប្រធានដឹកនាំកិច្ចប្រជុំពិភាក្សាការងារសិក្សាបច្ចេកទេសលម្អិតសម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធប្រព្រឹត្តកម្មទឹកកខ្វក់នៅក្រុងច្បារមន ដោយមានការអញ្ជើញចូលរួមពី ឯកឧត្តមនាយករងគម្រោង អគ្គនាយករង ប្រធានគ្រប់គ្រងគម្រោង សមាជិក-សមាជិកាគម្រោង និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ តំណាងក្រុមហ៊ុន BUCG ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ ព្រមទាំងមន្ទីរ-ស្ថាប័នពាក់ព័ន្ធជុំវិញខេត្ត។ កិច្ចប្រជុំរៀបចំឡើងដើម្បីពិភាក្សាការងារសិក្សាបច្ចេកទេសលម្អិតសម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធប្រព័ន្ធប្រព្រឹត្តកម្មទឹកកខ្វក់នៅក្រុងច្បារមន៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube