កិច្ចប្រជុំពិនិត្យ និងពិភាក្សាលើវឌ្ឍនភាពគម្រោងសិក្សាបណ្តាញហេដ្ឋារចនាសម្ព័ន្ធផ្លូវថ្នល់ភូមិភាគឦសាន នៃព្រះរាជាណាចក្រកម្ពុជា ក្រោមក្របខ័ណ្ឌជំនួយបច្ចេកទេសពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) ទីស្តីការក្រសួង ៖ នាថ្ងៃសុក្រ ទី៣០ ខែមករា ឆ្នាំ២០២៦ ឯកឧត្តម ឡេង ធនយុទ្ធា រដ្ឋលេខាធិការ ក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំពិនិត្យ និងពិភាក្សាលើវឌ្ឍនភាពគម្រោងសិក្សាបណ្តាញហេដ្ឋារចនាសម្ព័ន្ធផ្លូវថ្នល់ភូមិភាគឦសាន នៃព្រះរាជាណាចក្រកម្ពុជា ក្រោមក្របខ័ណ្ឌជំនួយបច្ចេកទេសពីធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដោយមានការចូលរួមពីថ្នាក់ដឹកនាំក្រសួង មន្ទីរសាធារណការខេត្តក្រចេះ មណ្ឌលគិរី រតនគិរី ស្ទឹងត្រែង ក្រុមហ៊ុនទីប្រឹក្សាបច្ចេកទេស PPic និងមន្ត្រីជំនាញបច្ចេកទេសជាច្រើនរូបផងដែរ។ អង្គប្រជុំបានពិភាក្សាវាយតម្លៃលើជម្រើសខ្សែផ្លូវក្នុងគម្រោងបណ្តាញហេដ្ឋារចនាសម្ព័ន្ធផ្លូវថ្នល់នៅតំបន់ភូមិភាគឦសាន ដែលក្រុមហ៊ុនទីប្រឹក្សាបច្ចេកទេស បានបញ្ចប់ការសិក្សាបឋមសម្រាប់តភ្ជាប់ខេត្តទាំង៤ ដើម្បីឱ្យគម្រោងខ្សែផ្លូវមានភាពប្រទាក់ក្រឡា មានគុណភាពរឹងមាំ ផ្តល់ជាគុណប្រយោជន៍ដល់ប្រជាពលរដ្ឋ និងសម្រួលដល់ការដឹកជញ្ជូន៕