មជ្ឈមណ្ឌលអភិវឌ្ឍន៍ដំណាំតំបន់ខ្ពង់រាបខេត្តមណ្ឌលគិរី ត្រូវបានបើកសម្ភោធជាផ្លូវការក្រោមជំនួយពីប្រទេសកូរ៉េ ខេត្តមណ្ឌលគិរី ៖ មជ្ឈមណ្ឌលអភិវឌ្ឍន៍ដំណាំតំបន់ខ្ពង់រាបលើកដំបូងគេ នៅព្រះរាជាណាចក្រកម្ពុជា ត្រូវបានបើកសម្ភាធដាក់ឲ្យប្រើប្រាស់ជាផ្លូវការ ក្រោមអធិបតីភាពឯកឧត្តម អ៊ួង កុសល រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោក គីម វ៉ុនជីប លេខាទី១តំណាងឯកអគ្គរដ្ឋទូតសាធារណរដ្ឋកូរ៉េ ប្រចាំព្រះរាជាណាំចក្រកម្ពុជា និងមានការអញ្ជើញជាកិត្តិយសពីឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី លោក ជាក់ ម៉េងហ៊ាង អភិបាលរងខេត្តមណ្ឌលគិរី លោកស្រី យូ យុងស៊ុក តំណាងក្រសួងកសិកម្ម ស្បៀង និងកិច្ចការជនបទ នៃសាធារណៈរដ្ឋកូរ៉េ ។ ពិធីសម្ភោធនេះត្រូវបានប្រារព្ឋឡើងនាព្រឹកថ្ងៃទី០៩ ខែសីហា ឆ្នាំ២០២៥ នៅភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ដោយមានការចូលរួមពីតំណាងកងកម្លាំងទាំងបីប្រភេទ មន្ត្រីរាជការនៃមន្ទីរអង្គភាពជុំវិញខេត្ត សិស្ស-និស្សិតកំពុងសិក្សានៅមជ្ឈមណ្ឌលបណ្តុះបណ្តាលវិជ្ជាជីវៈខេត្ត និងបងប្អូនប្រជាកសិករនៅក្រុងសែនមនោរម្យ សរុបប្រមាណ២០០នាក់ ។