តិចអត់ដឹង! ខេត្តមណ្ឌលគិរីក៏មានសិប្បកម្មត្បាញក្រមាខ្មែរដែរ! ក្រោមការគាំទ្ររបស់គម្រោងរេដបូកកែវសីមា អង្គការ WCS កម្ពុជា សហការជាមួយអង្គការ IIRR បានរៀបចំបង្កើតក្រុមតម្បាញក្រមាខ្មែរនិងផ្តល់វគ្គបណ្តុះបណ្តាលជំនាញត្បាញក្រមាដល់ស្ត្រីជនជាតិដើមភាគតិចពូនងក្នុងភូមិពូតាំងនិងភូមិពូរ៉ាងដែលស្ថិតនៅក្នុងដែនជម្រកសត្វព្រៃកែវសីមា ខេត្តមណ្ឌលគិរី។ សិប្បកម្មតម្បាញក្រមានេះ មិនត្រឹមតែផ្តល់ចំណូលដល់ស្ត្រីក្នុងសហគមន៍ប៉ុណ្ណោះទេ តែវាផលិតផលដ៏សំខាន់មួយសម្រាប់វិស័យទេសចរណ៍ក្នុងខេត្តមណ្ឌលគិរី ភាគឦសាននៃប្រទេសកម្ពុជា។ នៅពេលដែលសហគមន៍មានជីវភាពល្អប្រសើរ ពួកគេនឹងចូលរួមការពារធនធានធម្មជាតិកាន់តែមុតមាំជាងមុន ដើម្បីទទួលបានអត្ថប្រយោជន៍ដែលមាននិរន្តរភាពយូរអង្វែង។ សូមជម្រាបថា គម្រោងរេដបូកកែវសីមាត្រូវបានអនុវត្តដោយអង្គការ WCS សហការជាមួយក្រសួងបរិស្ថាន និងគាំទ្រដោយ USAID-មរតកបៃតង។ ប្រភពរូបភាពពី៖ Thmey Thmey