កិច្ចប្រជុំអនុគណៈកម្មការក្រុមការងារបច្ចេកទេសស្ដីពីទឹកកខ្វក់ និងអនាម័យក្នុងទីក្រុង លើកទី៥ "5th Sub-Technical Working Group on Urban Waste Water and Sanitation" ទីស្ដីការក្រសួង៖ នាថ្ងៃព្រហស្បតិ៍ ទី២៤ ខែកក្កដា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងលោកស្រី Miura Yoshiko តំណាងជាន់ខ្ពស់ការិយាល័យនៃទីភ្នាក់ងារសហប្រតិបត្តិការអន្តរជាតិជប៉ុន (JICA)ប្រចាំនៅកម្ពុជា អញ្ជើញជាសហប្រធាន ដឹកនាំកិច្ចប្រជុំអនុគណៈកម្មការក្រុមការងារបច្ចេកទេសស្ដីពីទឹកកខ្វក់ និងអនាម័យក្នុងទីក្រុង លើកទី៥ ដោយមានការអញ្ជើញចូលរួមពីថ្នាក់ដឹកនាំក្រសួង មន្ត្រីជំនាញ នៃអគ្គនាយកដ្ឋានប្រព័ន្ធចម្រោះទឹកកខ្វក់ តំណាងក្រសួង ស្ថានប័នពាក់ព័ន្ធ និងតំណាងដៃគូអភិវឌ្ឍន៍នានា។ កិច្ចប្រជុំនេះរៀបចំឡើងផ្តោតជាសំខាន់លើផែនការនាពេលបច្ចុប្បន្ន និងអនាគត ទាក់ទងនឹងការគ្រប់គ្រងទឹកកខ្វក់នៅកម្ពុជា ការផ្គត់ផ្គង់ទឹក និងអនាម័យក្នុងទីក្រុង និងការធ្វើបច្ចុប្បន្នភាពពីដៃគូអភិវឌ្ឍន៍នានាដូចជា៖ ADB, AFD, EDCF, GGGI, GRET, KOICA និង WATER AID។ ថ្លែងនាឱកាសនោះ ឯកឧត្តមរដ្ឋលេខាធិការ បានគូសបញ្ជាក់នូវការប្តេជ្ញាចិត្តរបស់រាជរដ្ឋាភិបាលកម្ពុជាក្នុងការធ្វើឱ្យប្រសើរឡើងនូវក្របខ័ណ្ឌស្ថាប័ន និងច្បាប់ ដើម្បីលើកកម្ពស់ការគ្រប់គ្រងអនាម័យ និងការគ្រប់គ្រងទឹកកខ្វក់ប្រកបដោយប្រសិទ្ធភាព និងនិរន្តរភាព៕