កិច្ចប្រជុំពិភាក្សាលើដំណើរការអភិវឌ្ឍន៍ប្រព័ន្ធព័ត៌មានជនរងគ្រោះ និងគ្រោះថ្នាក់ចរាចរណ៍ផ្លូវគោកថ្មី របស់គណៈកម្មាធិការជាតិសុវត្ថិភាពចរាចរណ៍ផ្លូវគោក ទីស្តីការក្រសួង៖ នារសៀលថ្ងៃព្រហស្បតិ៍ ទី៣ ខែកក្កដា ឆ្នាំ២០២៥ លោកជំទាវ មឹន មាណវី រដ្ឋលេខាធិការ ក្រសួងសាធារណការ និងដឹកជញ្ជូន និងជាអគ្គលេខាធិការនៃអគ្គលេខាធិការដ្ឋានគណៈកម្មាធិការជាតិសុវត្ថិភាពចរាចរណ៍ផ្លូវគោក បានអញ្ជើញជាអធិបតីដឹកនាំកិច្ចប្រជុំដោយផ្ទាល់ និងតាមប្រព័ន្ធវីដេអូពីចម្ងាយ ស្តីពីដំណើរការអភិវឌ្ឍន៍ប្រព័ន្ធព័ត៌មានជនរងគ្រោះ និងគ្រោះថ្នាក់ចរាចរណ៍ផ្លូវគោកថ្មី ដោយមានការចូលរួមពី ថ្នាក់ដឹកនាំ មន្ត្រីបច្ចេកទេស របស់ក្រសួងសាធារណការ និងដឹកជញ្ជូន ក្រសួងមហាផ្ទៃ ក្រសួងសុខាភិបាល ធនាគារពិភពលោក (World Bank) និងទីប្រឹក្សាបច្ចេកទេសជាតិ និងអន្តរជាតិផងដែរ។ គោលបំណងនៃកិច្ចប្រជុំនេះ គឺដើម្បីតាមដានវឌ្ឍនភាពការងាររបស់គម្រោង លទ្ធផលសម្រេចបាន និងការងារពាក់ព័ន្ធផ្សេងៗ។ ជាលទ្ធផល គម្រោងបាននិងកំពុងអភិវឌ្ឍ Web, System, App និងកំពុងកែសម្រួល Platform សម្រាប់បញ្ចូលទិន្នន័យតាមរយៈកុំព្យូទ័រ និងទូរស័ព្ទដៃ App មុននឹងដាក់នឹងដាក់អនុវត្តសាកល្បង៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube