កិច្ចប្រជុំពិភាក្សាលើសេចក្តីព្រាងឧបសម្ព័ន្ធ នៃកិច្ចសន្យាភាពជាដៃគូរវាងរដ្ឋ និងឯកជននៃគម្រោងគ្រប់គ្រងធនធានទឹកចម្រុះហ្វូណនតេជោ ជុំវិញការងារដោះស្រាយផលប៉ះពាល់ ទីស្តីការក្រសួងសេដ្ឋកិច្ច និងហិរញ្ញវត្ថុ ៖ នាថ្ងៃសុក្រ ទី២៩ ខែសីហា ឆ្នាំ២០២៥ ឯកឧត្តម អៀង វ៉េងស៊ុន រដ្ឋលេខាធិការ ក្រសួងសាធារណការនិងដឹកជញ្ជូន បានដឹកនាំប្រតិភូក្រសួងចូលរួមកិច្ចប្រជុំពិភាក្សាលើសេចក្តីព្រាងឧបសម្ព័ន្ធ នៃកិច្ចសន្យាភាពជាដៃគូរវាងរដ្ឋ និងឯកជននៃគម្រោងគ្រប់គ្រងធនធានទឹកចម្រុះហ្វូណនតេជោ ជុំវិញការងារដោះស្រាយផលប៉ះពាល់ជាមួយអង្គភាពជំនាញពាក់ព័ន្ធរបស់ក្រសួងសេដ្ឋកិច្ច និងហិរញ្ញវត្ថុ ដឹកនាំដោយ ឯកឧត្តម ស្តើង សុខុម រដ្ឋលេខាធិការ។ កិច្ចប្រជុំនេះ ក៏មានការចូលរួមពីសំណាក់ ឯកឧត្តមថ្នាក់ដឹកនាំ និងមន្ត្រីជំនាញបច្ចេកទេសនៃក្រសួងទាំងពីរ ព្រមទាំងឯកឧត្តមប្រធានក្រុមប្រឹក្សាភិបាលនៃក្រុមហ៊ុន SPC2 ក្រុមហ៊ុន SPC3 និងសហការី។ គោលបំណងនៃកិច្ចប្រជុំនេះគឺដើម្បីពិនិត្យ ពិភាក្សា និងសម្រេចលើសេចក្ដីព្រាងឧបសម្ព័ន្ធស្ដីពីផែនការប្រគល់ទីតាំង និងឧបសម្ព័ន្ធចំនួន២ នៃកិច្ចសន្យាភាពជាដៃគូវាងរដ្ឋ និងឯកជនដែលពាក់ព័ន្ធការកំណត់សិទ្ធិប្រើប្រាស់ដីអចិន្រ្ដៃយ៍ និងការកំណត់សិទ្ធិប្រើប្រាស់ដីមិនអចិន្រ្ដៃយ៍៕