កិច្ចប្រជុំពិភាក្សាលើការងារបច្ចេកទេស និងការដោះស្រាយផលប៉ះពាល់ក្នុងការអនុវត្តគម្រោងសាងសង់ផ្លូវជាតិលេខ៧០បេ ទីស្ដីការក្រសួង៖ ថ្ងៃពុធ ទី២៥ ខែមិថុនា ឆ្នាំ២០២៥ ឯកឧត្តម ប៉ាល់ ចន្ទតារា រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំដើម្បីពិភាក្សាលើការងារបច្ចេកទេស និងការដោះស្រាយផលប៉ះពាល់ក្នុងការអនុវត្តគម្រោងសាងសង់ផ្លូវជាតិលេខ៧០បេ (ទន្លេបិទ-ស្រីសន្ធរ-ព្រែកតាមាក់-ល្វាឯម-ពាមរក៏) ដោយមានការចូលរួមពីសំណាក់មន្ដ្រីបច្ចេកទេសគម្រោង និងតំណាងមន្ទីរសាធារណការ និងដឹកជញ្ជូនខេត្តកណ្ដាល។ កិច្ចប្រជុំនេះ ផ្ដោតសំខាន់លើការងារពិភាក្សាបច្ចេកទេសជារួម និងប្រមូលធាតុចូលករណីមានផលប៉ះពាល់ និងសំណូមពររបស់បងប្អូនប្រជាពលរដ្ឋក្នុងភូមិសាស្ដ្រឃុំកោះចូរ៉ាម ស្រុកខ្សាច់កណ្ដាល ខេត្តកណ្ដាល៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube