ពិធីចែកពូជកូនឈើហូបផ្លែជូនដល់ប្រជាពលរដ្ឋ ក្នុងក្រុងសែមនោរម្យ ដើម្បីយកទៅដាំដុះបន្ត មណ្ឌលគិរី៖ នាព្រឹកថ្ងៃទី១៧ ខែមិថុនា ឆ្នាំ២០២៥ ឯកឧត្តម ថង សាវុន អភិបាលខេត្តមណ្ឌលគិរី និងឯកឧត្តម អ៊ួង កុសល រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ លោកជំទាវ ថងភៀន ឆ័យមាលី រដ្ឋលេខាធិការ ក្រសួងកិច្ចការនារី បានអញ្ជើញជាអធិបតីក្នុងពិធីចែកពូជកូនឈើហូបផ្លែជូនដល់ប្រជាពលរដ្ឋក្នុងក្រុងសែនមនោរម្យ។ ពិធីនេះ មានការចូលរួមពីសំណាក់ ព្រះសង្ឃ លោកនាយករដ្ឋបាលសាលាខេត្ត លោកមេបញ្ជាការរងកងកម្លាំងប្រដាប់អាវុធទាំងបី លោក លោកស្រី ប្រធាន និងអនុប្រធានមន្ទីរ និងអង្គភាពពាក់ព័ន្ធ អភិបាលរងក្រុង ចៅសង្កាត់ មន្ត្រីជំនាញពាក់ព័ន្ធ និងបងប្អូនប្រជាពលរដ្ឋជាច្រើនរូប ដោយបានប្រព្រឹត្តទៅនៅបរិវេណមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី៕