កិច្ចប្រជុំក្រុមការងារ Logistics and Transport Service Sector Working Group (LTSSWG) នៅក្រោមកិច្ចប្រជុំលើកទី១១០ នៃគណៈកម្មាធិការសម្របសម្រួលអាស៊ាន ស្តីពីសេវាកម្ម (CCS) នៅទីក្រុងវៀងចន្ទន៍ ប្រទេសឡាវ ប្រទេសឡាវ៖ នាថ្ងៃទី១៦-២០ ខែមិថុនា ឆ្នាំ២០២៥ ឯកឧត្តម ឈៀង ពេជ្រ អនុរដ្ឋលេខាធិការ បានដឹកនាំគណៈប្រតិភូក្រសួងសាធារណការ និងដឹកជញ្ជូន អញ្ជើញចូលរួមកិច្ចប្រជុំក្រុមការងារ Logistics and Transport Service Sector Working Group (LTSSWG) នៅក្រោមក្របខ័ណ្ដកិច្ចប្រជុំលើកទី១១០ នៃគណៈកម្មាធិការសម្របសម្រួលអាស៊ាន ស្តីពីសេវាកម្ម (CCS) ដែលមានសមាសភាពចូលរួមផ្ទាល់ដោយតំណាងនៃប្រទេសឡាវ ហ្វីលីពីន និងថៃ និងបណ្តាប្រទេសជាអាស៊ានផ្សេងទៀតនៅតាមប្រព័ន្ធអនឡាញ។ កិច្ចប្រជុំនេះបានរៀបចំឡើងក្នុងគោលបំណង៖ (១). ពិនិត្យឡើងវិញការអនុវត្តផែនការសកម្មភាពនៃក្រុមការងារ LTSSWG ឆ្នាំ២០១៦-២០២៥ និងយន្តការសម្របសម្រួល (Coordinating Mechanism) ក្នុងវិស័យភស្តុភារកម្មនៃប្រទេសជាសមាជិកអាស៊ាន (២). ការពិនិត្យជាជំហានតំបូងនូវផែនការសកម្មភាព LTSSWG ឆ្នាំ២០២៥-២០៣០ និង (៣). ការពិនិត្យផែនការសកម្មភាព LTSSWG ឆ្នាំ២០២៥-២០២៦។ ក្នុងកិច្ចពិភាក្សានោះដែរ ឯកឧត្តមអនុរដ្ឋលេខាធិការ បានធ្វើបទបង្ហាញអំពីយន្តការសម្របសម្រួលក្នុងវិស័យភស្តុភារកម្មនៅកកម្ពុជា ព្រមទាំងផែនការមេគ្រប់ជ្រុងជ្រោយ ស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣ ដោយបានគូសបញ្ជាក់អំពីសារៈសំខាន់នៃការពង្រឹងការសម្របសម្រួលគោលនយោបាយ និងយន្តការអន្តរស្ថាប័ន ក៏ដូចជាកិច្ចសហប្រតិបត្តិការ និងការកៀរគរថវិកា និងវិនិយោគដើម្បីអនុវត្តគម្រោងហេដ្ឋារចនាសម្ព័ន្ធ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube