កិច្ចប្រជុំពិភាក្សាលើកទី១ ស្ដីពីការចរចាកិច្ចសន្យាភាពជាដៃគូរវាងរដ្ឋ និងឯកជន សម្រាប់គម្រោងអភិវឌ្ឍន៍មជ្ឈមណ្ឌលភស្តុភារកម្ម ទីស្តីការក្រសួង៖ នាព្រឹកថ្ងៃពុធ ទី១១ ខែមិថុនា ឆ្នាំ២០២៥ ឯកឧត្តម ហេង ណន រដ្ឋលេខាធិការ នៃក្រសួងសាធារណការ និងដឹកជញ្ជូន និងឯកឧត្តម មាស សុខសេនសាន រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ សហប្រធាននៃក្រុមការងារអន្តរក្រសួងដើម្បីចរចាកិច្ចសន្យាភាពជាដៃគូរវាងរដ្ឋ និងឯកជន សម្រាប់គម្រោងអភិវឌ្ឍន៍មជ្ឈមណ្ឌលភស្តុភារកម្មភ្នំពេញ បានដឹកនាំកិច្ចប្រជុំពិភាក្សាលើកទី១ ស្ដីពីលើការចរចាកិច្ចសន្យាភាពជាដៃគូរវាងរដ្ឋ និងឯកជន សម្រាប់គម្រោងអភិវឌ្ឍន៍មជ្ឈមណ្ឌលភស្តុភារកម្ម ជាមួយក្រុមហ៊ុន PPLC Superport & Industrial Co., Ltd ដឹកនាំដោយលោកបណ្ឌិត Yap Kwong Weng ប្រធានផ្នែកយុទ្ធសាស្ត្រ និរន្តរភាព និងទំនាក់ទំនង។ កិច្ចប្រជុំខាងលើ ត្រូវបានរៀបចំឡើងក្នុងគោលបំណងពិភាក្សាលើចំណុចគន្លឹះ និងខ្លឹមសារសំខាន់ៗ ដែលនឹងត្រូវបញ្ចូលនៅក្នុងកិច្ចសន្យាភាពជាដៃគូរវាងរដ្ឋ និងឯកជន សម្រាប់គម្រោងអភិវឌ្ឍន៍មជ្ឈមណ្ឌលភស្តុភារកម្ម៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube