សន្និសីទ ស្តីពី “ កិច្ចសហប្រតិបត្តិការ និងការផ្លាស់ប្តូរលើវិស័យអប់រំរបស់ខេត្តជាំងស៊ូ និងបណ្តាប្រទេសតំបន់អាស៊ាន- The Jiangsu-ASEAN Education Cooperation Exchange Conference” នៅសាកលវិទ្យាល័យបច្ចេកវិទ្យា និងវិទ្យាសាស្ត្រកម្ពុជា-ចិន ភ្នំពេញ៖ នាថ្ងៃសុក្រ ទី២៤ ខែឧសភា ឆ្នាំ២០២៥ ឯកឧត្តម ប្រាងហង្ស សេរីរិទ្ធ នាយកវិទ្យាស្ថាន តំណាង ឯកឧត្តម នឹម សុធា អនុរដ្ឋលេខាធិការទទួលបន្ទុក បានអញ្ជើញចូលរួមសន្និសីទ ស្តីពី “ កិច្ចសហប្រតិបត្តិការ និងការផ្លាស់ប្តូរលើវិស័យអប់រំរបស់ខេត្តជាំងស៊ូ និងបណ្តាប្រទេសតំបន់អាស៊ាន- The Jiangsu-ASEAN Education Cooperation Exchange Conference” នៅសាកលវិទ្យាល័យបច្ចេកវិទ្យា និងវិទ្យាសាស្ត្រកម្ពុជា-ចិន ក្រោមអធិបតីភាពដ៏ខ្ពង់ខ្ពស់ ឯកឧត្តម ហង់ ជួនណារុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និង ឯកឧត្តម Xu Kunlin អភិបាលខេត្តជាំងស៊ូ នៃសាធារណរដ្ឋប្រជាមានិតចិន ដោយមានការអញ្ជើញចូលរួមពី ឯកឧត្តម លោកជំទាវ ជាអនុរដ្ឋមន្ត្រីក្រសួងអប់រំ ប្រទេសឥណ្ឌូនេស៊ី ព្រះរាជាណាចក្រថៃ ឯកឧត្តមឯកអគ្គរដ្ឋទូតចិន ប្រចាំនៅកម្ពុជា លោកអ្នកឧកញ៉ា ប្រធានសមាគមវិនិយោគកម្ពុជា-ចិន និងបណ្តាប្រទេសជាសមាជិកតំបន់អាស៊ាន និង វិស័យឯកជន ដែលទទួលបន្ទុកលើការងារផ្នែកអប់រំ និងបណ្តាគ្រឹះស្ថានឧត្តមសិក្សានៅខេត្តជាំងស៊ូ-អាស៊ាន ផងដែរ។ សន្និសីទនេះ បានសហការរៀបចំដោយសាលារដ្ឋបាលខេត្តជាំងស៊ូ នៃសាធារណរដ្ឋប្រជាមានិតចិន និងនាយកដ្ឋានអប់រំ នៃបណ្តាប្រទេសអាស៊ាន និងមន្ទីរអប់រំខេត្តជាំងស៊ូ ក្រោមប្រធានបទ “កសាងអនាគតរួមគ្នា និងសម្រេចការអភិវឌ្ឍន៍ ឈ្នះ-ឈ្នះ” ក្នុងគោលបំណងដើម្បីជំរុញកិច្ចសហប្រតិបត្តិការ និងការផ្លាស់ប្តូរ រវាងខេត្តជាំងស៊ូ និងបណ្តាប្រទេសនៅតំបន់អាស៊ាន លើវិស័យអប់រំនៅក្រៅប្រទេស និងការបអប់រំនិស្សិតដែលបន្តការសិក្សានៅបរទេស និងកិច្ចសហប្រតិបត្តិការស្រាវជ្រាវវិទ្យាសាស្ត្រ និងកិច្ចផ្លាស់ប្តូរវប្បធម៌ប្រជាជនទៀតផង។ ឆ្លៀតក្នុងឱកាសនោះ ឯកឧត្តមនាយកវិទ្យាស្ថាន បានអញ្ជើញឡើងចុចប៊ូតុង ក្នុងចំណោមសមាជិកមកពីបណ្តាវិស័យអប់រំ នៅខេត្តជាំងស៊ូ និងអាស៊ាន ដើម្បីប្រកាសពីសមិទ្ធផលកិច្ចសហប្រតិបត្តិការ និងកាផ្លាស់ប្តូររវាងខេត្តជាំងស៊ូ និងបណ្តាប្រទេសតំបន់អាស៊ានផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube