រូបភាពតាមដងទន្លេស្រែពក ក្នុងដែនជំរកសត្វព្រៃស្រែពក ទេសភាពទាំងនេះគឺ ស្ថិតតាមបណ្តោយទន្លេស្រែពក ភាគខាងលើ ក្នុងដែនជំរកសត្វព្រៃស្រែពក ក្នុងខេត្តមណ្ឌលគិរី។ សូមជម្រាបជូនថា ដែនជម្រកសត្វព្រៃស្រែពកនៅខេត្តមណ្ឌលគិរី ត្រូវបានបែងចែកជាបួនតំបន់ ក្នុងនេះមាន៖ តំបន់ស្នូល តំបន់អភិរក្ស តំបន់ប្រើប្រាស់ដោយចីរភាព និងតំបន់សម្រាប់បម្រើដល់ការងារគ្រប់គ្រងថែរក្សា អភិរក្ស និងអភិវឌ្ឍន៍សេដ្ឋកិច្ចសង្គមប្រកបដោយនិរន្តរភាព។ នេះបើយោងតាមអនុក្រឹត្យរបស់រាជរដ្ឋាភិបាលចុះថ្ងៃទី១ ខែកុម្ភៈ ឆ្នាំ២០១៩។ ការបែងចែកតំបន់គ្រប់គ្រងដែនជម្រកសត្វព្រៃស្រែពក រៀបចំឡើងដើម្បីធានាប្រសិទ្ធភាព និងប្រសិទ្ធផលនៃការគ្រប់គ្រងធនធានធម្មជាតិ និងជីវៈចម្រុះនៅក្នុងដែនជម្រកសត្វព្រៃស្រែពក ក៏ដូចជាការលើកកម្ពស់ចូលរួមរបស់សហគមន៍មូលដ្ឋាន ក៏ដូចជាសាធារណជនក្នុងការរួមចំណែកដល់ការគ្រប់គ្រង ការការពារ និងការអភិរក្សជីវៈចម្រុះ និងធនធានធម្មជាតិក្នុងតំបន់ ព្រមទាំងធានាឱ្យមានការថែទាំសត្វព្រៃ និងប្រព័ន្ធអេកូឡូស៊ី៕ ប្រភពពី៖ ក្រសួងបរិស្ថាន