កិច្ចប្រជុំពិនិត្យ និងពិភាក្សាលើការងារត្រៀមរៀបចំគម្រោងផែនការយុទ្ធសាស្ត្រថវិកាឆ្នាំ២០២៦-២០២៨ និងសូចនាករកម្មវិធីឆ្នាំ២០២៦ ទីស្តីការក្រសួង៖ នាថ្ងៃព្រហស្បតិ៍ ទី២៤ ខែមេសា ឆ្នាំ២០២៥ ឯកឧត្តម កែន រដ្ឋា អគ្គនាយករដ្ឋបាល និងហិរញ្ញវត្ថុ និង ឯកឧត្តម សឿន ប៊ុនលី អគ្គនាយកផែនការ និងគោលនយោបាយ នៃក្រសួងសាធារណការ និងដឹកជញ្ជូន បានអញ្ជើញជាសហប្រធានដឹកនាំកិច្ចប្រជុំពិនិត្យ និងពិភាក្សាលើការងារត្រៀមរៀបចំគម្រោងផែនការយុទ្ធសាស្ត្រថវិកា ឆ្នាំ២០២៦-២០២៨ និងសូចនាករកម្មវិធីឆ្នាំ២០២៦ ដោយមានការចូលរួមពីមន្ត្រីជំនាញនៃអង្គភាពថវិកាទាំងអស់ក្រោមឱវាទក្រសួង។ កិច្ចប្រជុំនេះបានពិភាក្សាទៅលើចំណុចមួយចំនួន រួមមានៈ១)-ការពិនិត្យ និងពិភាក្សាលើស្ថានភាព បច្ចុប្បន្នភាពនៃរចនាសម្ព័ន្ធថវិកាកម្មវិធីដែលគ្រោងនៅឆ្នាំ២០២៦ ២)-ការកំណត់ និងបញ្ជាក់ពីសូចនាករគន្លឹះគាំទ្រដល់គោលបំណងនយោបាយ, កម្មវិធី និងអនុកម្មវធីនីមួយៗ របស់អង្គភាពថវិកានីមួយៗ និង ៣)-ការងារត្រៀមរៀបចំនូវផែនការយុទ្ធសាស្ត្រថវិកាឆ្នាំ២០២៦-២០២៨ និងផែនការថវិកាសម្រាប់ការគ្រប់គ្រងឆ្នាំ២០២៦ ដែលក្រសួងសេដ្ឋកិច្ចនិងហិរញ្ញវត្ថុនឹងចេញសារាចរណែនាំនៅពេលឆាប់ៗខាងមុខ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube