កិច្ចប្រជុំពិនិត្យលើវឌ្ឍនភាពការងារផ្គត់ផ្គង់ទឹកស្អាត និងអនាម័យ រាជធានីភ្នំពេញ៖ នាថ្ងៃព្រហស្បតិ៍ ទី៣ ខែមេសា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំក្រុមការងារគ្រប់គ្រងគម្រោងចូលរួមកិច្ចប្រជុំជាមួយក្រុមការងាររបស់ធនាគារពិភពលោក(WB) ពីវឌ្ឍនភាពការងារផ្គត់ផ្គង់ទឹកស្អាត និងអនាម័យ ដោយមានការចូលរួមពី តំណាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍(MISTI) និងក្រុមការងាររបស់ធនាគារពិភពលោក(WB)។ គោលបំណងនៃកិច្ចប្រជុំនេះគឺ ដើម្បីពិនិត្យពិភាក្សាអំពីវឌ្ឍនភាពការងារ បញ្ហាប្រឈម និងស្វែងរកដំណោះស្រាយ ក្នុងដំណើរការអនុវត្តន៍គម្រោងការពន្លឿនការផ្គត់ផ្គង់ទឹកស្អាត និងអនាម័យ(WASAC) និងគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ(WaSSIP) ធ្វើយ៉ាងណាឱ្យគម្រោងទាំង២នេះ សម្រេចទៅតាមផែនការដែលបានគម្រោងទុក៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube