កិច្ចប្រជុំពិភាក្សាលើការរៀបចំលិខិតបទដ្ឋានគតិយុត្តក្នុងក្របខណ្ឌច្បាប់ ស្តីពីប្រព័ន្ធទឹកកខ្វក់ ទីស្តីការក្រសួង៖ នាថ្ងៃព្រហស្បតិ៍ ទី៦ ខែមីនា ឆ្នាំ២០២៥ លោក សួន និមល អគ្គនាយករងប្រព័ន្ធចម្រោះទឹកកខ្វក់ បានអញ្ជើញដឹកនាំកិច្ចប្រជុំពិភាក្សាលើការរៀបចំលិខិតបទដ្ឋានគតិយុត្តក្នុងក្របខណ្ឌច្បាប់ ស្តីពីប្រព័ន្ធទឹកកខ្វក់ ដោយមានការអញ្ជើញចូលរួមពីតំណាងអង្គការហ្គ្រេត (GRET) លោកប្រធាននាយកដ្ឋាន ប្រធានការិយាល័យ ព្រមទាំងមន្ត្រីជំនាញពាក់ព័ន្ធ។ កិច្ចប្រជុំនេះធ្វើឡើងក្នុងគោលបំណងដើម្បីពិភាក្សាអំពីការបែងចែកតួនាទីរបស់ភាគីពាក់ព័ន្ធក្នុងការរៀបចំសេចក្តីព្រាង និងកំណត់ពេលវេលាសម្រាប់ប្រមូលធាតុចូលក្នុងរៀបចំសេចក្តីព្រាងអនុក្រឹត្យ សេចក្តីសម្រេចរាជរដ្ឋាភិបាល ប្រកាសអន្តរក្រសួង និងប្រកាសរបស់ក្រសួងសាធារណការ និងដឹកជញ្ជូន ក្នុងក្របខណ្ឌច្បាប់ស្តីពីប្រព័ន្ធទឹកកខ្វក់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube