កិច្ចប្រជុំពិភាក្សា ស្ដីពីការរៀបចំវគ្គបណ្ដុះបណ្ដាលលើបទដ្ឋានបច្ចេកទេសដែលបានកែសម្រួលសម្រាប់ប្រើប្រាស់ក្នុងវិស័យហេដ្ឋារចនាសម្ព័ន្ធផ្លូវថ្នល់ក្នុងជំហាន១ និងផែនការអនុវត្តសម្រាប់ជំហានទី២ ទីស្ដីការក្រសួង៖ នាថ្ងៃចន្ទ ទី០៣ ខែមីនា ឆ្នាំ២០២៥ ឯកឧត្តម យិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញកិច្ចប្រជុំពិភាក្សា ស្ដីពីការរៀបចំវគ្គបណ្ដុះបណ្ដាលលើបទដ្ឋានបច្ចេកទេសដែលបានកែសម្រួលសម្រាប់ប្រើប្រាស់ក្នុងវិស័យហេដ្ឋារចនាសម្ព័ន្ធផ្លូវថ្នល់ក្នុងជំហាន១ និងផែនការអនុវត្តសម្រាប់ជំហានទី២ ក្រោមជំនួយឥតសំណងរបស់រដ្ឋាភិបាលអូស្ត្រាលី ដោយមានការអញ្ជើញចូលរួមពីឯកឧត្តមជាថ្នាក់ដឹកនាំក្រសួង និងមន្ត្រីជំនាញពាក់ព័ន្ធជាច្រើនរូប។ កិច្ចប្រជុំបានជជែកពិភាក្សាពីការត្រៀមប្រគល់-ទទួលនូវបទដ្ឋានបច្ចេកទេស ដែលបានកែសម្រួលក្នុងជំហាន១ ដែលនឹងប្រព្រឹត្តឡើងនៅថ្ងៃទី០៥ ខែមីនា ឆ្នាំ២០២៥ ខាងមុខ និងពិភាក្សាលម្អិតដើម្បីទទួលបានធាតុចូលបន្ថែមសម្រាប់ត្រៀមអនុវត្តក្នុងគម្រោងជំហានទី២ ឱ្យទទួលបានជោគជ័យបន្តទៀត៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube