កិច្ចប្រជុំគណៈកម្មការ និងអនុគណៈកម្មការត្រៀមរៀបចំពិធីរំលឹកខួបលើកទី១១៤ ទិវាអន្តរជាតិនារី ៨មីនា ឆ្នាំ២០២៥ ទីស្ដីការក្រសួង៖ នារសៀលថ្ងៃពុធ ទី២៦ ខែកុម្ភ: ឆ្នាំ២០២៥ លោកជំទាវ កុយ សុដានី រដ្ឋលេខាធិការប្រចាំការក្រសួងសាធារណការ និងដឹកជញ្ជូន និងជាប្រធានគណៈកម្មការរៀបចំពិធីរំលឹកខួបលើកទី១១៤ ទិវាអន្តរជាតិនារី ៨មីនា ឆ្នាំ២០២៥ បានអញ្ជើញដឹកនាំកិច្ចប្រជុំត្រៀមរៀបចំពិធីរំលឹកខួបលើកទី១១៤ ទិវាអន្តរជាតិនារី ៨មីនា ឆ្នាំ២០២៥ ដោយមានការអញ្ជើញចូលរួមពីថ្នាក់ដឹកនាំក្រសួង តំណាងនារីមកពីអង្គភាពក្រោមឱវាទក្រសួង ស្ត្រីជាអគ្គនាយក អគ្គនាយករង និងជាប្រធាន-អនុប្រធាននាយកដ្ឋានផងដែរ។ អង្គប្រជុំបានជជែកពិភាក្សាលើការងារដែលបានបែងចែកតាមតួនាទី និងភារកិច្ចនៃអនុគណៈកម្មការនីមួយៗ សំដៅជំរុញ និងនិងពន្លឿនការងារឱ្យបានរួចរាល់ឆាប់រហ័សតាមផែនការដែលបានគ្រោងទុក។ ក្នុងឱកាសនោះដែរ លោកជំទាវរដ្ឋលេខាធិការប្រចាំការ បានថ្លែងការកោតសរសើរដល់ក្រុមការងារសមាគមនារីរបស់ក្រសួង ដែលបានខិតខំប្រឹងប្រែងប្រកបដោយឆន្ទៈក្នុងអនុវត្តផែនការសកម្មភាពការងារកន្លងមក និងបានណែនាំឱ្យតំណាងស្ត្រីជាថ្នាក់ដឹកនាំ គ្រប់អគ្គនាយកដ្ឋាន នាយកដ្ឋាន និងអង្គភាពក្រោមឱវាទក្រសួង ចូលរួមសម្រេចភារកិច្ចការងារដែលបានដាក់ជូនឱ្យបានល្អប្រសើរ ដើម្បីញ៉ាំងឱ្យកម្មវិធីនាឱកាសពិធីរំលឹកខួបលើកទី១១៤ ទិវាអន្តរជាតិនារី ៨មីនា ខាងមុខនេះអាចប្រព្រឹត្តទៅបានដោយរលូន ជោគជ័យ និងប្រកបដោយប្រសិទ្ធភាពខ្ពស់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube