កិច្ចប្រជុំលើកទី២ របស់គណៈកម្មការរៀបចំអនុស្សរណៈ នៃការយោគយល់ រវាងក្រសួងសាធារណការ និងដឹកជញ្ជូនកម្ពុជា និងក្រសួងដឹកជញ្ជូនចិន ស្តីពីកិច្ចសហប្រតិបត្តិការអភិវឌ្ឍន៍វិស័យដឹកជញ្ជូន ទីស្តីការក្រសួង៖ នាថ្ងៃអង្គារ ទី១១ ខែកុម្ភៈ ឆ្នាំ២០២៥ ឯកឧត្តម វ៉ាស៊ឹម សុរិយា អនុរដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំលើកទី២ របស់គណៈកម្មការរៀបចំអនុស្សរណៈ នៃការយោគយល់ រវាងក្រសួងសាធារណការ និងដឹកជញ្ជូន នៃព្រះរាជាណាចក្រកម្ពុជា និងក្រសួងដឹកជញ្ជូន នៃសាធារណរដ្ឋប្រជាមានិតចិន ស្តីពីកិច្ចសហប្រតិបត្តិការអភិវឌ្ឍន៍វិស័យដឹកជញ្ជូន ដោយមានការអញ្ជើញចូលរួមពីថ្នាក់ដឹកនាំក្រសួង និងសមាជិក សមាជិកា នៃគណៈកម្មការ។ កិច្ចប្រជុំបានពិភាក្សាជាសំខាន់ដោយផ្តោតទៅលើខ្លឹមសារនៃ MoU ស្តីពីការពង្រឹងកិច្ចសហប្រតិបត្តិការលើវិស័យហេដ្ឋារចនាសម្ព័ន្ធ ដែលបានចុះជាមួយក្រសួងពាណិជ្ជកម្មចិន និងធ្វើការពិនិត្យ និងកែសម្រួលខ្លឹមសារ នៃ MoU ស្តីពីកិច្ចសហប្រតិបត្តិការក្នុងការកសាងសមត្ថភាពទាក់ទងនឹងការដឹកជញ្ជូន ដែលបានចុះជាមួយក្រសួងដឹកជញ្ជូនចិន។ ឯកឧត្តមប្រធានអង្គប្រជុំ បានស្នើឱ្យអគ្គនាយកដ្ឋាន និងអង្គភាពជំនាញពាក់ព័ន្ធផ្តល់ជាបញ្ជីគម្រោងសម្រាប់អនុវត្តក្នុងរយៈពេល ០៣ឆ្នាំ (២០២៦-២០២៨) ដែលផ្តោតសំខាន់លើជំនួយបច្ចេកទេស ការអភិវឌ្ឍធនធានមនុស្ស និងអ្នកជំនាញការ ព្រមទាំងផ្តល់ធាតុចូលលើខ្លឹមសារ ដែលគួរកែសម្រួល ឬបន្ថែមក្នុងអនុស្សរណៈ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube