កិច្ចប្រជុំស្តីពីគម្រោងធ្វើឱ្យប្រសើរឡើងវិញផ្លូវជាតិលេខ ៦៧ និងផ្លូវជាតិលេខ ៦៨ ដើម្បីជំរុញការអនុវត្តគម្រោងឱ្យបានលឿន និងប្រកបដោយគុណភាព ទីស្ដីការក្រសួង៖ នាថ្ងៃពុធ ទី២២ ខែមករា ឆ្នាំ២០២៥ ឯកឧត្ដម តូច ចាន់កុសល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំកិច្ចប្រជុំទ្វេភាគីជាមួយ ឯកឧត្តម Perames Vudthitornetiraks នាយកទីភ្នាក់ងារសហប្រតិបត្តិការដើម្បីអភិវឌ្ឍន៍សេដ្ឋកិច្ចប្រទេសជិតខាង នៃព្រះរាជាណាចក្រថៃ (NEDA) នូវគម្រោងចំនួន ២ គឺគម្រោងធ្វើឱ្យប្រសើរឡើងវិញផ្លូវជាតិលេខ៦៧ និងផ្លូវជាតិលេខ៦៨ ក្នុងគោលបំណងជំរុញការអនុវត្តគម្រោងឱ្យបានលឿន និងប្រកបដោយគុណភាព។ បន្ថែមពីលើជំនួបនោះ ក៏មានពិធីចុះកិច្ចសន្យាត្រួតពិនិត្យ និងសិក្សាជាមួយក្រុមហ៊ុនទីប្រឹក្សាបច្ចេកទេស Asian Engineering Consultants.Crop.,Ltd សម្រាប់គម្រោងធ្វើអោយប្រសើរឡើងវិញផ្លូវជាតិលេខ ៦៧ ផងដែរ។ ឯកឧត្ដមរដ្ឋលេខាធិការ បានថ្លែងអំណរគុណចំពោះស្ថាប័ន NEDA ដែលបានផ្តល់ឥណទានសម្រាប់គម្រោងធ្វើឱ្យប្រសើរឡើងវិញផ្លូវជាតិលេខ ៦៧ និងផ្លូវជាតិលេខ ៦៨។ បន្ទាប់ពីជ្រើសរើសក្រុមហ៊ុនទីប្រឹក្សាបច្ចេកទេសហើយ ក្រុមការងារបច្ចេកទេសនៃក្រសួងសាធារណការ និងដឹកជញ្ជូន នឹងបន្តនីតិវិធីជាមួយក្រុមហ៊ុនទីប្រឹក្សាបច្ចេកទេស ដើម្បីរៀបចំជ្រើសរើសក្រុមហ៊ុនសាងសង់ឱ្យបានឆាប់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube