កិច្ចប្រជុំស្តីពីការពិនិត្យវឌ្ឍនភាពការងារអគ្គាធិការដ្ឋាន និងនាយកដ្ឋានសវនកម្មផ្ទៃក្នុង ទីស្ដីការក្រសួង៖ នាព្រឹកថ្ងៃចន្ទ ទី២៣ ខែធ្នូ ឆ្នាំ២០២៤ ឯកឧត្តម ភួង ភិរុណ អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំស្តីពីការពិនិត្យវឌ្ឍនភាពការងារអគ្គាធិការដ្ឋាន និងនាយកដ្ឋានសវនកម្មផ្ទៃក្នុង ដោយមានការអញ្ជើញចូលរួមពីឯកឧត្តមអគ្គាធិការ អគ្គាធិការរង អធិការ និងអធិការរងនៃអគ្គាធិការដ្ឋាន និងលោក-លោកស្រី ជាប្រធាននាយកដ្ឋាន អនុប្រធាននាយកដ្ឋាន និងប្រធានការិយាល័យនៃនាយកដ្ឋានសវនកម្មផ្ទៃក្នុង។ កិច្ចប្រជុំនេះរៀបចំឡើងក្នុងគោលបំណង ដើម្បីពិនិត្យពិភាក្សាលើភារកិច្ចការងារស្នូលរបស់អគ្គាធិការដ្ឋាន និងនាយកដ្ឋានសវនកម្មផ្ទៃក្នុង ក្នុងការប្រមូលផ្តុំធាតុចូលសំខាន់ៗ ដោយយោងតាមច្បាប់ដែលពាក់ព័ន្ធ និងសិក្សាស្វែងរកដំណោះស្រាយ ក្នុងការបញ្ចៀសនូវការអនុវត្តភារកិច្ចការងារស្ទួនគ្នារវាងអគ្គាធិការដ្ឋាន និងនាយកដ្ឋានសវនកម្មផ្ទៃក្នុងនាពេលអនាគត៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube