ដំណើរទស្សនកិច្ចសិក្សា ស្តីពីការផ្លាស់ប្តូរចំណេះដឹងអំពីវិស័យប្រព័ន្ធទឹកកខ្វក់ ផ្តោតសំខាន់លើការគ្រប់គ្រងការប្រតិបត្តិការ និងការថែទាំហេដ្ឋារចនាសម្ព័ន្ធទឹកកខ្វក់ នៅទីក្រុងញូខាស្សល និងទីក្រុងស៊ីដនី នៅប្រទេសអូស្រ្តាលី ប្រទេសអូស្រ្តាលី៖ គណៈប្រតិភូក្រុមការងារបច្ចេកទេសនៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រសួងសាធារណការ និងដឹកជញ្ជូន ដឹកនាំដោយឯកឧត្តម ចៅ សុភៈភិបាល អគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់បានធ្វើទស្សនកិច្ចសិក្សាស្តីពីការផ្លាស់ប្តូរចំណេះដឹងអំពីវិស័យប្រព័ន្ធទឹកកខ្វក់ ផ្តោតសំខាន់លើការគ្រប់គ្រងការប្រតិបត្តិការ និងការថែទាំ (Operation and Maintenance) ហេដ្ឋារចនាសម្ព័ន្ធទឹកកខ្វក់ នៅទីក្រុងញូខាស្សល (Newcastle City) និងទីក្រុងស៊ីដនី (Sydney City) នៅប្រទេសអូស្រ្តាលី ចាប់ពីថ្ងៃទី០៩ ដល់ថ្ងៃទី២២ ខែវិច្ឆិកា ឆ្នាំ២០២៤ ក្នុងក្របខណ្ឌគម្រោងជំនួយសហប្រតិបត្តិការបច្ចេកទេសអូស្ត្រាលី-កម្ពុជា និងសម្របសម្រួលដោយស្ថានទូតអូស្ត្រាលីប្រចាំប្រទេសកម្ពុជា តាមរយៈសមាគមទឹកអូស្ត្រាលី (AWA) និងភាពជាដៃគូរសម្រាប់ហេដ្ឋារចនាសម្ព័ន្ធ (P4I) របស់ប្រទេសអូស្រ្តាលី។ គោលបំណងនៃដំណើរទស្សនកិច្ចសិក្សានេះគឺ ដើម្បីស្វែងយល់អំពីការគ្រប់គ្រងការប្រតិបត្តិការ និងការថែទាំ (Operation and Maintenance) ហេដ្ឋារចនាសម្ព័ន្ធទឹកកខ្វក់ក្នុងទីក្រុងចំនួន០២គឺ ទីក្រុងញូខាស្សល និងទីក្រុងស៊ីដនី ដែលការគ្រប់គ្រងប្រតិបត្តិការ ការប្រមូលកម្រៃសេវាទឹកកខ្វក់ (បញ្ចូលរួមគ្នាក្នុងវិក្កយបត្រទឹកស្អាត) និងការថែទាំ ត្រូវបានប្រគល់ជូនទៅវិស័យឯកជនជាអ្នកគ្រប់គ្រងតាមកិច្ចសន្យា ដូចជា HUNTER Water ។ គណៈប្រតិភូបានធ្វើដំណើរទស្សនៈកិច្ចសិក្សាទៅកាន់ស្ថានីយប្រព្រឹត្តកម្មទឹកកខ្វក់មួយចំនួនដូចខាងក្រោម៖ ស្ថានីយប្រព្រឹត្តកម្មទឹកកខ្វក់ Burwood Beach ស្ថានីយប្រព្រឹត្តកម្មទឹកកខ្វក់ Morpeth, Farley, Shortland ស្ថានីយប្រព្រឹត្តកម្មទឹកកខ្វក់ Morpeth ស្ថានីយប្រព្រឹត្តកម្មទឹកកខ្វក់ Farley ស្ថានីយប្រព្រឹត្តកម្មទឹកកខ្វក់ Shortland ស្ថានីយផលិតទឹកស្អាត Kooragang Industrial Water Scheme ពិនិត្យការបង្ហាញបច្ចេកវិទ្យា និងឧបករណ៍ប្រព័ន្ធបញ្ជាលើការគ្រប់គ្រងបណ្តាញលូ ស្ថានីយបូម និងស្ថានីយប្រព្រឹត្តកម្មទឹកកខ្វក់ របស់សាជីវកម្ម Hunter Water និងពិនិត្យមជ្ឈណ្ឌលបម្រើសេវាអតិថិជន និងដោះស្រាយបញ្ហា របស់សាជីវកម្ម HUNTER Water។ ជាលទ្ធផលសង្ខេបនៃដំណើរទស្សនកិច្ចសិក្សាទទួលបាននូវធាតុចូល គោលគំនិតសំខាន់ៗ បទពិសោធន៍ បច្ចេកវិទ្យាបន្ថែមលើការគ្រប់គ្រងការប្រតិបត្តិនិង ព្រមទាំងឱកាសក្នុងការស្វែងរកកាលានុវត្តភាពកិច្ចសហប្រតិបត្តិការរវាងកម្ពុជា និងអូស្រ្តាលីបន្ថែមទៀតលើវិស័យប្រព័ន្ធទឹកកខ្វក់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube