គិតថ្ងៃទី៦ ខែវិច្ឆិកា ឆ្នាំ២០២៤នេះ សាលារាជធានីភ្នំពេញ មន្ទីរសាធារណការ និងដឹកជញ្ជូនរាជធានីភ្នំពេញ គម្រោងគូសគំនូសសញ្ញាចរាចរណ៌ថ្មី លើកំណាត់តីរៈវិថី ព្រះសុីសុវត្ថិ មាត់ទន្លេ ក្នុងខណ្ឌដូនពេញ ជាយុទ្ធសាស្ត្រទំនាក់ទំនងចរាចរ និងលើកកំម្ពស់សោភ័ន្ធភាព សណ្តាប់ធ្នាប់ការធ្វើចរាចរណ៌ប្រជាពលរដ្ឋដែលឆ្លងកាត់តាមបណ្តាល ៖ ១.មហាវិថីព្រះមុនីវង្ស ២.មហាវិថីព្រះនរោត្តម ៣.វិថីព្រះអង្គយុគន្ធរ (១៩), វិថី បក្សីចាំក្រុង(៩៤) , វិថី ព្រះអង្គអេង(១៣) ៤.តំបន់រង្វង់មូលសម្តេចសង្ឃរាជ ជូន ណាត ៥.តំបន់ព្រះអង្គដងកើ ៦.តំបន់រម្មណីដ្ឋានប្រវត្តិសាស្រ្តវត្តភ្នំ ៧.តំបន់ជ្រោយចង្វារ ,តំបន់ព្រហ្មមុខបួន ជាពិសេសតំបន់មុខព្រះបរមរាជារាំង ចតុមុខ ប្រកបដោយគុណភាព និងសុវត្ថិភាព ព្រមទាំងលើកកំម្ពស់សោភ័ន្ធភាព រាជធានីភ្នំពេញយើងនាឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ខាងមុខនេះ ឆ្នាំ២០២៤ ។ រដ្ឋបាលរាជធានីភ្នំពេញ ជំនាញមន្ទីរសាធារណការ និងដឹកជញ្ជូនរាជធានីភ្នំពេញ សូមសំណូមពរដល់ប្រជាពលរដ្ឋ និងអ្នកធ្វើដំណើរនៅលើដង ផ្លូវ តីរៈវិថី មហាវិថីធំៗនានាខាងលើ មកដល់តំបន់មានការដ្ឋានកំពុងដំណើរការគូសគំនូសចរាចរណ៌ សូមបន្តមេត្តាយោគយល់ ដល់ក្រុមការងារជំនាញនៅពេលបិទផ្លូវទាំងនោះមួយផ្នែកៗ ដែលបង្កការលំបាកក្នុងការធ្វើចរាចរណ៌ទៅមក ។ ម្យ៉ាងដើម្បីផ្តល់ភាពងាយស្រួលក្នុងរង្វង់ការដ្ឋានបានដំណើការបានលឿន ដូចនេះក្រុមការងារសូមមេត្តាយោគយល់អោយបានច្រើន ដើម្បីអោយបងប្អូនធ្វើដំណើបានស្រួល និងសុវត្តិភាពខ្ពស់ ៕