គណៈកម្មការត្រៀមរៀបចំពិធី សម្ពោធបើកឱ្យប្រើប្រាស់ជាការចំណតផែកុងតឺន័របន្ថែម ប្រវែង ២៥៣ម៉ែត្រ របស់ស្វយ័តក្រុងព្រះសីហនុ ទីស្ដីការក្រសួង៖ នាល្ងាចថ្ងៃចន្ទ ទី០២ ខែកញ្ញា ឆ្នាំ២០២៤ ឯកឧត្តម ស៊ុយ សាន និងជាប្រធានគណៈកម្មការ បានអញ្ជើញដឹកនាំគណៈកម្មការត្រៀមរៀបចំពិធី សម្ពោធបើកឱ្យប្រើប្រាស់ជាការចំណតផែកុងតឺន័របន្ថែម ប្រវែង ២៥៣ម៉ែត្រ របស់ស្វយ័តក្រុងព្រះសីហនុ ដែលគ្រោងប្រព្រឹត្តទៅនៅថ្ងៃទី១២ ខែកញ្ញា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយក នៃព្រះរាជាណាចក្រកម្ពុជា។ នេះមានការចូលរួមពីថ្នាក់ដឹកនាំក្រសួង មន្ត្រីពាក់ព័ន្ធ និងតំណាងស្វយ័តក្រុងព្រះសីហនុផងដែរ។ គោលបំណងត្រូវបានរៀបចំឡើង ដើម្បីពិនិត្យមើលវឌ្ឍនភាពនៃការងារត្រៀមរៀបចំពិធី របស់គណៈកម្មការ និងអនុគណៈកម្មការនីមួយៗ សំដៅធ្វើយ៉ាងណាឱ្យការរៀបចំពិធីនេះប្រព្រឹត្តទៅដោយរលូន និងទទួលបានជោគជ័យ។ នាឱកាសនោះ ឯកឧត្តម បានណែនាំឱ្យសមាជិកសមាជិកា គណៈកម្មការ និងអនុគណៈកម្មការទទួលបន្ទុករៀបចំពិធីបំពេញភារកិច្ចរបស់ខ្លួននីមួយៗឱ្យបានម៉ឺងម៉ាត់តាមការចាត់តាំង និងសហការឱ្យបានជិតស្និទ្ធជាមួយភាគីពាក់ព័ន្ធទាំងអស់ ដើម្បីឱ្យការរៀបចំពិធីអាចប្រព្រឹត្តទៅបានដោយរលូន ប្រកបដោយសុវត្ថិភាព និងមានប្រសិទ្ធភាពខ្ពស់៕ :: ភ្ជាប់ទំនាក់ទំនងជាមួយ (MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube