សិក្ខាសាលាផ្សព្វផ្សាយស្ដីពី “សារៈសំខាន់នៃការតភ្ជាប់ច្រករបៀងសេដ្ឋកិច្ចភាគខាងត្បូង (ផ្នែកផ្លូវ និងស្ពាន) រាជធានីភ្នំពេញ៖ នាថ្ងៃអង្គារ ទី២៣ ខែកក្កដា ឆ្នាំ២០២៤ ឯកឧត្ដម ប៉ែន បូរាណ អនុរដ្ឋលេខាធិការ នៃក្រសួងសាធារណការ និងដឹកជញ្ជូន និងលោក SANUI Kazumasa ប្រធានតំណាងទីភ្នាក់ងារសហប្រតិបត្តិការ អន្តរជាតិជប៉ុន ប្រចាំប្រទេសកម្ពុជា បានអញ្ជើញជាអធិបតីក្នុងពិធីបើកសិក្ខាសាលាផ្សព្វផ្សាយស្ដីពី “សារៈសំខាន់ នៃការតភ្ជាប់ច្រករបៀងសេដ្ឋកិច្ចភាគខាងត្បូង (ផ្នែកផ្លូវ និងស្ពាន) ដោយមានការអញ្ជើញចូលរួមពី តំណាងក្រសួង-ស្ថាប័ន និងអាជ្ញាធរពាក់ព័ន្ធផងដែរ។ សិក្ខាសាលានេះត្រូវបានរៀបចំឡើងក្នុងគោលបំណងផ្តោតសំខាន់លើការលើកកម្ពស់ក្នុងការតភ្ជាប់ច្រករបៀងសេដ្ឋកិច្ចភាគខាងត្បូង តាមរយៈការអភិវឌ្ឍហេដ្ឋារចនាសម្ព័ន្ធ ជាពិសេសការសិក្សាពង្រីកផ្លូវជាតិលេខ១ ពីស្ពានមុនីវង្ស ដល់ស្ពានត្សឹបាសា (ស្ពានអ្នកលឿង) ការកែសម្រួលលំហូរចរាចរណ៍នៅតំបន់ច្បារអំពៅ និងការតភ្ជាប់រវាងរាជធានីភ្នំពេញ និងក្រុងអរិយក្សត្រ រួមមានការសាងសង់ស្ពាន និងរូងផ្លូវក្រោមទឹក ដើម្បីពង្រឹងទំនាក់ទំនងសេដ្ឋកិច្ច និងបណ្តាញហេដ្ឋារចនាសម្ព័ន្ធក្នុងតំបន់ សំដៅលើកកម្ពស់កំណើន ការអភិវឌ្ឍ និងការរីកចម្រើនទាំងអស់គ្នា៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube