កិច្ចប្រជុំពិភាក្សាវឌ្ឍនភាពការងារគម្រោងប្រព័ន្ធចម្រោះទឹកកខ្វក់ និងប្រព័ន្ធលូ ក្នុងក្រុងតាខ្មៅ ខេត្តកណ្ដាល ទីស្ដីក្រសួង៖នាថ្ងៃព្រហស្បតិ៍ ទី០៤ ខែកក្កដា ឆ្នាំ២០២៤ ឯកឧត្តមបណ្ឌិត រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំពិភាក្សាវឌ្ឍនភាពការងារគម្រោងប្រព័ន្ធចម្រោះទឹកកខ្វក់ និងប្រព័ន្ធលូ ក្នុងក្រុងតាខ្មៅ ខេត្តកណ្តាល ជាមួយគណៈប្រតិភូរបស់(EDCF)មកពីប្រទេសកូរ៉េ ដែលដឹកនាំដោយ លោក Lee Yu-Kyeom ដោយមានការអញ្ជើញចូលរួមពី ឯកឧត្តមនាយករងគម្រោង ប្រធានគម្រោង ព្រមទាំងសមាជិក តំណាងក្រុមហ៊ុនទីប្រឹក្សា និងទីប្រឹក្សាគម្រោងប្រព័ន្ធចម្រោះទឹកកខ្វក់ និងប្រព័ន្ធលូ នៅក្រុងតាខ្មៅ និងមន្ត្រីជំនាញពាក់ព័ន្ធផងដែរ។ កិច្ចប្រជុំនេះរៀបចំឡើងដើម្បីពិភាក្សាអំពីវឌ្ឍនភាពនៃការចរចាថ្លៃ ដើម្បីឈានដល់ការចុះកិច្ចសន្យាជាមួយក្រុមហ៊ុនសាងសង់ក្នុងគម្រោងតាខ្មៅ ជំហាន១ និងពិភាក្សាអំពីវឌ្ឍនភាពនៃការសិក្សាសមិទ្ធិលទ្ធផល(F/S) សម្រាប់គម្រោងផែនការអភិវឌ្ឍន៍គម្រោងតាខ្មៅ ជំហានទី២៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube