កិច្ចប្រជុំផ្សព្វផ្សាយលទ្ធផលការសិក្សាបុរេសមិទ្ធិលទ្ធភាព (Pre-Feasibility Study) គម្រោងអភិវឌ្ឍន៍បណ្តាញលូ និងស្ថានីយប្រព្រឹត្តកម្មទឹកកខ្វក់ នៅខាងកើតស្ទឹងសៀមរាប និងចែករំលែកនូវវឌ្ឍនភាពគម្រោងរបស់ដៃគូរអភិវឌ្ឍន៍ដែលកំពុងអនុវត្ត និងគ្រោងអនុវត្តលើទឹកដីក្រុងសៀមរាប ខេត្តសៀមរាប សៀមរាប៖ ថ្ងៃទី២៨ ខែឧសភា ឆ្នាំ២០២៤ ឯកឧត្តម ចៅ សុភៈភិបាល អគ្គនាយកនៃអគ្គនាយកដ្ឋានប្រព័ន្ឋចម្រោះទឹកកខ្វក់ ក្រសួងសាធារណការ និងដឹកជញ្ជូន និងឯកឧត្តម ពិន ប្រាកដ អភិបាលរង ជាតំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានដឹកនាំកិច្ចប្រជុំរួមគ្នាក្នុងគោលបំណង ផ្សព្វផ្សាយលទ្ធផលការសិក្សាបុរេសមិទ្ធិលទ្ធភាព (Pre-Feasibility Study) គម្រោងអភិវឌ្ឍន៍បណ្តាញលូ និងស្ថានីយប្រព្រឹត្តកម្មទឹកកខ្វក់ នៅខាងកើតស្ទឹងសៀមរាប ដែលបានបញ្ចប់ការសិក្សាដោយក្រុមការងារបច្ចេកទេសនៃក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ នៃប្រទេសជប៉ុន (MLIT) ព្រមទាំងចែករំលែកនូវវឌ្ឍនភាពគម្រោងរបស់ដៃគូរអភិវឌ្ឍន៍ផ្សេងៗទៀតដែលកំពុងអនុវត្ត និងគ្រោងអនុវត្តលើទឹកដីក្រុងសៀមរាប ខេត្តសៀមរាប។ កិច្ចប្រជុំមានការចូលរួមពីថ្នាក់នាំ និងមន្ត្រីបច្ចេកទេសនៃអគ្គនាយកដ្ឋានប្រព័ន្ធចម្រោះទឹកកខ្វក់ អាជ្ញាមូលដ្ឋាន និងតំណាងពីមន្ទីរ និងស្ថាប័ន ពាក់ព័ន្ធផ្សេងទៀត ចំនួនប្រមាណជាង ៤០រូប។ លទ្ធផលការសិក្សាបុរេសមិទ្ធិលទ្ធភាព (Pre-Feasibility Study) បង្ហាញពីទំហំការងារ ទំហំដីបម្រុងសម្រាប់សាងសង់ស្ថានីយប្រព្រឹត្តកម្មទឹកកខ្វក់ ជម្រើសបច្ចេកវិទ្យាច្រោះសម្អាតទឹកកខ្វក់ និងទំហំថវិកាប៉ាន់ស្មានក្នុងជម្រើសនីមួយៗ។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube