កិច្ចប្រជុំ Kick-off Meeting ជាមួយក្រុមការងារនៃធនាគារ Asian Infrastructure Investment Bank (AIIB) លើគម្រោងរចនាសម្ព័ន្ធនៅតាមព្រំដែននៅក្នុងព្រះរាជាណាចក្រកម្ពុជា ទីស្ដីការក្រសួង៖នារសៀលថ្ងៃពុធ ទី១៥ ខែឧសភា ឆ្នាំ២០២៤ លោកជំទាវ ឥម នីថារ៉ា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងរចនាសម្ព័ន្ធនៅតាមព្រំដែន បានអញ្ជើញដឹកនាំកិច្ចប្រជុំ Kick-off Meeting ដើម្បីពិនិត្យ និងពិភាក្សាលើការរៀបចំគម្រោងរចនាសម្ព័ន្ធនៅតាមព្រំដែន នៅក្នុងព្រះរាជាណាចក្រកម្ពុជា ដោយមានការអញ្ជើញចូលរួមពី ឯកឧត្តម អនុរដ្ឋលេខាធិការ និងអគ្គនាយក ជាថ្នាក់ដឹកនាំក្រសួង មន្រ្តីបច្ចេកទេសជំនាញពាក់ព័ន្ធ និងតំណាងពីក្រសួងសេដ្ឋកិច្ច និងហិរញ្ញវត្ថុ ព្រមទាំងក្រុមការងារនៃធនាគារ AIIB (ដោយផ្ទាល់ និងតាមរយៈប្រព័ន្ធវីដេអូពីចម្ងាយ)។ គោលបំណងសំខាន់នៃកិច្ចប្រជុំ គឺដើម្បីពិនិត្យ និងពិភាក្សាលម្អិតលើការចាប់ផ្តើមអនុវត្តគម្រោង ដែលផ្តោតលើការងារមួយចំនួនដូចជា៖ បទពិសោធន៍នៃការអនុវត្តគម្រោងរបស់ (AIIB) កិច្ចលទ្ធកម្មការងារបច្ចេកទេស ផ្នែកហិរញ្ញវត្ថុ ផ្នែកសង្គម និងបរិស្ថាន។ សូមបញ្ជាក់ជូនថា៖ គម្រោងហេដ្ឋារចនាសម្ព័ន្ធច្រកទ្វារព្រំដែន ( Cross-border Facility Project ) នៅព្រះរាជាណាចក្រកម្ពុជា ត្រូវបានគាំទ្រដោយរាជរដ្ឋាភិបាលកម្ពុជា ក្រោមហិរញ្ញប្បទានរបស់ធនាគារ Asian Infrastructure Investment Bank (AIIB) ដើម្បីធ្វើការអភិវឌ្ឍរចនាសម្ព័ន្ធនានា នៅតាមព្រំដែន ដើម្បីឆ្លើយតបទៅនឹងការរីកចម្រើននៃសេដ្ឋកិច្ចកម្ពុជា និងការកើនឡើងពាណិជ្ជកម្មតាមព្រំដែន។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube