យោងតាមរបាយការណ៍ដែលបានថ្លែងដោយឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន ក្នុងពិធីបើកសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ នាព្រឹកថ្ងៃទី២៨ ខែកុម្ភៈ ឆ្នាំ២០២៤ បានបង្ហាញឱ្យដឹងថា ផ្លូវ និងស្ពានធំៗ ដែលកំពុងសាងសង់ក្រោមថវិការបស់ដៃគូអភិវឌ្ឍន៍រួមមាន៖គម្រោងថវិកាប្រទេសចិន៖ ផ្លូវថ្នល់មានចំនួន ៧ខ្សែ ប្រវែង សរុបជាង ៥៧០គីឡូម៉ែត្រ រួមមាន៖ កំណាត់ផ្លូវជាតិលេខ៧ ស្គន់-ស្ពានគីហ្សូណា ប្រវែងជាង ៤៥គីឡូម៉ែត្រ, ផ្លូវជាតិលេខ១០ ប្រវែង ១៩៨គីឡូម៉ែត្រ, ផ្លូវជាតិលេខ៣១ ប្រវែង ៥៣គីឡូម៉ែត្រ, ផ្លូវជាតិលេខ៣៣ ប្រវែង ៥២គីឡូម៉ែត្រ, ផ្លូវជាតិលេខ៤១ ប្រវែង ៩៥គីឡូម៉ែត្រ, ផ្លូវជាតិលេខ៧១C ប្រវែង ១០១គីឡូម៉ែត្រ និងផ្លូវតភ្ជាប់ទៅក្រុងក្រចេះ ប្រវែង ៣១គីឡូម៉ែត្រ។ ស្ពានចំនួន២ ប្រវែងសរុប ២៦០៦,៧០ម៉ែត្រ រួមមាន ស្ពានក្រចេះ ប្រវែង ១៧៦១ម៉ែត្រ និងស្ពានចាក់អង្រែក្រោម-ព្រែកប្រា ប្រវែង ៨៤៥,៧០ម៉ែត្រ។គម្រោងថវិកាប្រទេសកូរ៉េខាងត្បូង៖ មាន១ខ្សែ គឺផ្លូវជាតិលេខ៤៨ ប្រវែង ១៤៨គីឡូម៉ែត្រ។គម្រោងថវិកាធនាគារអភិវឌ្ឍន៍អាស៊ី៖ មាន ២ខ្សែផ្លូវ ប្រវែងសរុប ៤៣,២០គីឡូម៉ែត្រ រួមមានផ្លូវជាតិលេខ២៣ ប្រវែង ១៩,៨៣គីឡូម៉ែត្រ និងផ្លូវខេត្តលេខ ៣១២ ប្រវែង ២៣,៣៧គីឡូម៉ែត្រ។ គម្រោងថវិកាធនាគារពិភពលោក៖ មាន ៥ខ្សែផ្លូវ ប្រវែងសរុប ៣២៥,៧៥គីឡូម៉ែត្រ រួមមានផ្លូវជាតិលេខ៤ ប្រវែង ១៩៦,១០គីឡូម៉ែត្រ, កំណាត់ផ្លូវជាតិលេខ៧ ប្រវែង ៣១,២៥គីឡូម៉ែត្រ, ផ្លូវជាតិលេខ៧៣ ប្រវែង ៤៩,៨១គីឡូម៉ែត្រ, ផ្លូវខេត្តលេខ ៣៧៧ និង ៣៧៧A ប្រវែង ៤៨,៥គីឡូម៉ែត្រ៕