វិទ្យាស្ថានតេជោសែន សាធារណការ បានរៀបចំការប្រឡងបញ្ចប់ឆមាសទី២ ឆ្នាំសិក្សាមូលដ្ឋាន ជំនាន់ទី៣ គ្រប់ជំនាញសិក្សា នាថ្ងៃចន្ទ ៤រោច ខែបុស ឆ្នាំថោះ បញ្ចស័ក ព.ស ២៥៦៧ ត្រូវនឹង ថ្ងៃទី២៩ ខែមករា ឆ្នាំ២០២៤ លោកស្រី ហេង ណាម៉ិច នាយិការងវិទ្យាស្ថានតេជោសែន សាធារណការ តំណាងដ៍ខ្ពង់ខ្ពស់ លោកនាយកស្តីទីវិទ្យាស្ថាន បានអញ្ជើញបើកវិញ្ញាសារប្រឡងបញ្ចប់ឆមាសទី២ ឆ្នាំសិក្សាមូលដ្ឋាន និស្សិតជំនាន់ទី៣ របស់វិទ្យាស្ថាន ដោយក្នុងនោះ មានការចូលរួមពីសំណាក់ថ្នាក់ដឹកនាំនាយកដ្ឋានបណ្តុៈបណ្តាល និងនាយកដ្ឋានក្រោមឱវាទ និងក្រុមការងារវិទ្យាស្ថានផងដែរ។ សូមជម្រាបជូនថា៖ ការប្រឡងបញ្ចប់ឆមាសទី២ ឆ្នាំសិក្សាមូលដ្ឋាន ជំនាន់ទី៣ របស់និស្សិតវិទ្យាស្ថានតេជោសែន សាធារណការ នេះ នឹងប្រព្រឹត្តទៅរយៈពេលបីថ្ងៃពេញ ទាំងព្រឹក និងពេលរសៀល ចាប់ពីថ្ងៃទី២៩ ដល់ថ្ងៃទី៣១ ខែមករា ឆ្នាំ២០២៤ នៅសាលប្រជុំទីស្តីការក្រសួង ដែលមាននិស្សិតជំនាន់ទី៣ ចូលរួមប្រឡងលើជំនាញដូចជា (១). ជំនាញសំណង់ថ្នល់ ល្បឿនលឿន ដែក និងសំណង់ (២). ជំនាញប្រព័ន្ធចម្រោះទឹកកខ្វក់ (៣). ជំនាញសេដ្ឋកិច្ច និងគ្រប់គ្រងដឹកជញ្ជូនគោក (៤). ជំនាញភស្តុរភារកម្ម និងគ្រប់គ្រងខ្សែច្រវាក់ផ្គត់ផ្គង់ (៥) ឯកទេសនាវាចរណ៍៕