ក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី ចុះពិនិត្យស្ថានភាពភូមិសាស្រ្ត និងតំបន់សក្តានុពលមួយចំនួនក្នុងស្រុកអូរាំង ខេត្តមណ្ឌលគិរី មណ្ឌលគិរី៖ ថ្ងៃព្រហស្បតិ៍ ទី០៤ ខែមករា ឆ្នាំ២០២៤ ឯកឧត្តម ឈួន វិន រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី នីតិកាលទី៧ បានអមដំណើរ ឯកឧត្តម ងី ច័ន្រ្ទផល អតីតប្រធានក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី នីតិកាលទី៦ ចុះពិនិត្យស្ថានភាពភូមិសាស្ត្រ ការរស់នៅរបស់ប្រជាជន និងតំបន់សក្តានុពលមួយចំនួនក្នុងខេត្ត។ ដំណើរបេសកម្មនេះក៏ចូលរួមអមដំណើរពី សមាជិក នៃក្រុមការងាររាជរដ្ឋាភិបាលចុះមូលដ្ឋានខេត្ត និងអជ្ញាធរមូលដ្ឋានពាក់ព័ន្ធ។ ក្រុមប្រតិភូបានអញ្ជើញចុះពិនិត្យស្ថានភាពភូមិសាស្រ្តក្នុងស្រុកអូរាំង រួមមាន ទំនប់ទឹកអូទេរ តំបន់ទេសចរណ៍ទឹកជ្រោះលេងអង លេងឃិន និងតំបន់ដាំដំណាំមួយចំនួន ដែលមានសក្តានុពល ព្រមទាំងចុះពិនិត្យអគាររដ្ឋបាលឃុំ ក្នុងមូលដ្ឋានស្រុកអូរាំងផងដែរ។