កិច្ចប្រជុំពិភាក្សាលើវឌ្ឍនភាព និងទិសដៅការងាររបស់ វិទ្យាស្ថានតេជោសែន សាធារណការ និងដឹកជញ្ជូន ទីស្តីការក្រសួង៖ នាព្រឹកថ្ងៃចន្ទ ទី៤ ខែធ្នូ ឆ្នាំ២០២៣ លោកជំទាវ ឥម នីថារ៉ា រដ្ឋលេខាធិការ ទទួលបន្ទុកវិទ្យាស្ថាន និង ឯកឧត្តម ឡាវ វ៉ាន់ រដ្ឋលេខាធិការទទួលជួយ បានអញ្ជើញជាសហប្រធាន បន្តដឹកនាំកិច្ចប្រជុំពិនិត្យពិភាក្សាលើបច្ចុប្បន្នភាព និងតាមដានលើផែនការទិសដៅការងារ ដែលត្រូវអនុវត្តជំហានបន្ទាប់របស់ វិទ្យាស្ថានតេជោសែន សាធារណការ និងដឹកជញ្ជូន សំដៅលើកកម្ពស់សមត្ថភាព អប់រំបណ្តុះបណ្តាលធនធានមនុស្សរបស់វិទ្យាស្ថាន ឱ្យកាន់តែមានគុណភាព និងប្រសិទ្ធភាពខ្ពស់។ កិច្ចប្រជុំនេះ ក៏មានការអញ្ជើញចូលរួមពី លោកនាយកស្តីទីវិទ្យាស្ថាន ថ្នាក់ដឹកនាំ មន្ត្រីរាជការ និងបុគ្គលិកពាក់ព័ន្ធផ្សេងទៀតផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube