អបអរសាទរ! ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ប្រចាំឆ្នាំថោះ បញ្ចស័ក ព.ស.២៥៦៧ តាងនាមថ្នាក់ដឹកនាំ បុគ្គលិកជាមន្ត្រីរាជការ និងមន្ត្រីកិច្ចសន្យាគ្រប់លំដាប់ថ្នាក់ នៃក្រសួងសាធារណការ និងដឹកជញ្ជូន យើងខ្ញុំសូមចូលរួមអបអរសាទរ ប្រកបដោយបីតិសោមនស្សយ៉ាងក្រៃលែង ក្នុងឱកាសនៃការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលប្រព្រឹត្តទៅរយៈពេល ០៣ថ្ងៃ គឺ ថ្ងៃអាទិត្យ ចន្ទ និងអង្គារ ១៤-១៥កើត និង១រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦-២៨ ខែវិច្ឆិកា គ.ស.២០២៣ នៅតាមដងទន្លេសាប មុខព្រះបរមរាជវាំងចតុមុខមង្គល ក្នុងរាជធានីភ្នំពេញ នៃព្រះរាជាណាចក្រកម្ពុជា។ យើងខ្ញុំសូមជូនពរបងប្អូនប្រជាពលរដ្ឋខ្មែរគ្រប់រូប សូមឱ្យបានរីករាយនឹងការប្រារព្ធព្រះរាជពិធីដ៏មហោឡារិក និងអធិកអធម នាឆ្នាំនេះ ជាពិសេសសូមទទួលបាននូវសុខសុវត្ថិភាពគ្រប់ប្រការ មិនថាបងប្អូនដែលអញ្ជើញមកចូលរួមជួបជុំនៅរាជធានីភ្នំពេញ ឬ បងប្អូនដែលមានដំណើរកំសាន្ត ទៅកាន់ទីជិតឆ្ងាយនានា៕