កិច្ចប្រជុំពិនិត្យ និងពិភាក្សាលើការកំណត់តម្លៃសេវាទឹកកខ្វក់បញ្ចូលជាមួយវិក្កយបត្រទឹកស្អាត ក្នុងក្របខណ្ឌគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ ទីស្តីការក្រសួង៖ នារសៀលថ្ងៃព្រហស្បតិ៍ ទី០២ ខែវិច្ឆិកា ឆ្នាំ២០២៣ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យ និងពិភាក្សាលើការកំណត់តម្លៃសេវាទឹកកខ្វក់បញ្ចូលជាមួយវិក្កយបត្រទឹកស្អាត ដោយមានការចូលរួមពីឯកឧត្តមអនុរដ្ឋលេខាធិការ អគ្គនាយកស្ដីទី និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់។ គោលបំណងកិច្ចប្រជុំគឺ ដើម្បីប្រមូលធាតុចូលសម្រាប់ធ្វើការពិភាក្សារិះរកវិធីសាស្ត្រសម្រាប់កំណត់តម្លៃសេវាទឹកកខ្វក់បញ្ចូលជាមួយវិក្កយបត្រទឹកស្អាត ដោយធ្វើការប្រៀបធៀបជាមួយបណ្តាប្រទេសមួយចំនួន។ ឯកឧត្តមប្រធានអង្គប្រជុំ ក៏បានផ្តល់នូវអនុសាសន៍ឱ្យរៀបចំបង្កើតក្រុមការងារ ដោយបញ្ចូលសមាសភាពមកពីគ្រប់នាយកដ្ឋានចំណុះ ជាពិសេសសិក្ខាកាមដែលធ្លាប់បានចូលរួមសិក្ខាសាលាកន្លងមក ពាក់ព័ន្ធនឹងការកំណត់តម្លៃសេវា ហើយការកំណត់តម្លៃ នៃជម្រើសនីមួយៗ ត្រូវបង្ហាញអំណះអំណាងនៃការកំណត់តម្លៃនេះមកជាមួយផងដែរ។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube