(ភ្នំពេញ)៖ នៅព្រឹកទី០៣ ខែសីហា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្ត្រីកម្ពុជា ។ បានអញ្ជើញសម្ពោធដាក់ឱ្យប្រើប្រាស់ផ្លូវក្រវាត់ក្រុងទី៣ (រង្វង់មូលមហាវិថីឈ្នះឈ្នះ-ផ្លូវជាតិលេខ១) និងផ្លូវខ្នែង។ ក្នុងឱកាសនោះ សម្តេចតេជោ ហ៊ុន សែន បានថ្លែងថា៖ ផ្តើមចេញពីសេចក្តីត្រូវការរបស់ប្រជាពលរដ្ឋ ទើបតម្រូវឱ្យសាងសង់ផ្លូវក្រវាត់ក្រុងទី៣។ សម្តេចតេជោ បានថ្លែងអំណរគុណរដ្ឋាភិបាលចិន ដែលបានផ្តល់ហិរញ្ញប្បទានសម្រាប់សាងសង់ផ្លូវក្រវាត់ក្រុងទី៣។ ចិន ប្រកាសគាំទ្រឥតងាករេចំពោះកិច្ចអភិវឌ្ឍន៍របស់កម្ពុជា ដើម្បីធានាបាននូវអធិបតេយ្យជាតិ និងប្រឆាំងការជ្រៀតជ្រែកចូលកិច្ចការផ្ទៃក្នុងរបស់កម្ពុជា។ សម្តេចតេជោ បានថ្លែងថា ផ្លូវក្រវាត់ក្រុងទី៣ ជាផ្លូវចំណាយច្រើនបំផុត។ ប្រវែងជាង ៥២គីឡូម៉ែត្រ ចំណាយថវិកាសាងសង់ជាង ២៧៣លានដុល្លារ។ សម្តេចតេជោ ទឹកប្រាក់សាងសង់ផ្លូវក្រវាត់ក្រុងទី៣ គឺស័ក្តិសមនឹងគុណភាព។ សម្តេចតេជោ យ៉ាងយូរឆ្នាំ២០២៦ ព្រលានយន្តហោះអន្តរជាតិតេជោ នឹងដាក់ឱ្យដំណើរការហើយ។ សម្តេចតេជោ ហ៊ុន សែន នៅថ្ងៃនេះសម្តេចថ្លែងសារក្នុងវេទិកាសាធារណៈលើកចុងក្រោយហើយ ក្នុងឋានៈជានាយករដ្ឋមន្ត្រី។ សម្តេចតេជោ ថ្លែងអំណរគុណប្រជាពលរដ្ឋ ដែលបានចេញទៅបោះឆ្នោតរហូតដល់ទៅជាង ៨៤ភាគរយ កាលពីថ្ងៃទី២៣ ខែកក្កដា កន្លងទៅ។ សម្តេចតេជោ ការបោះឆ្នោតនៅកម្ពុជាមានចរិតពីរយ៉ាង។ ចរិតទី១ គឺការប្រកួតដណ្តើមកៅអីក្នុងរដ្ឋសភា និងមួយទៀត គឺការប្រកួតរវាងអ្នកគាំទ្រប្រជាធិបតេយ្យ ដោយអំពាវនាវឱ្យពលរដ្ឋចេញទៅបោះឆ្នោត និងម្ខាងទៀត គឺការបំផ្លាញប្រជាធិបតេយ្យតាមរយៈរារាំងមិនឱ្យប្រជាពលរដ្ឋចេញទៅបោះឆ្នោត និងគូសបំផ្លាញសន្លឹកឆ្នោត។ សម្តេចតេជោ ផ្តាំទៅមិត្តបរទេសថា កម្ពុជាគាំទ្រសំឡេងភាគតិច តែបើបរទេសបង្ខំឱ្យគាំទ្រសំឡេងភាគតិច គឺមិនអាចទៅរួច។ សម្តេចតេជោ ការបោះឆ្នោតនៅឆ្នាំ២០២៣ គឺជាការប្រកួតប្រជែងពិតប្រាកដមួយរវាងអ្នកគាំទ្រប្រជាធិបតេយ្យ តាមការអំពាវនាវពលរដ្ឋទៅបោះឆ្នោត និងអ្នកបំផ្លាញប្រជាធិបតេយ្យ រារាំងការចេញទៅបោះឆ្នោតរបស់ប្រជាពលរដ្ឋ។ សម្តេចតេជោ កុំយកប្រទេសចំនួន១ ឬ២ មកអះអាងថា ជាសហគមន៍អន្តរជាតិ។ សម្តេចតេជោ ប្រកាសថា ប្រជាធិបតេយ្យនៅកម្ពុជា បានឈ្នះហើយ ដោយអនុវត្តន៍ការបោះឆ្នោតយ៉ាងទៀងទាត់ សម្តេចតេជោ ហ៊ុន សែន ការបំផ្លាញប្រជាធិបតេយ្យនៅកម្ពុជា មានភស្តុតាងរួចរាល់អស់ហើយ។ សម្តេចតេជោ ហ៊ុន សែន ការបោះឆ្នោតរបស់ប្រជាពលរដ្ឋនាពេលនេះ គឺបោះឆ្នោតគាំទ្រសន្តិភាព និងការអភិវឌ្ឍន៍។ សម្តេចតេជោ ហ៊ុន សែន ការចាកចេញពីតំណែងជានាយករដ្ឋមន្ត្រីរបស់សម្តេចនាពេលនេះ គឺដើម្បីធានាសុខសន្តិភាព និងការអភិវឌ្ឍន៍រយៈពេលវែង។ សម្តេចតេជោ ហ៊ុន សែន មានហេតុផល៤យ៉ាង ដែលនាំឱ្យសម្តេចចេញពីតំណែងនាយករដ្ឋមន្ត្រី។ សម្តេចតេជោ ចោទសួរថា ក្នុងប្រវត្តិសាស្ត្រកម្ពុជា មានមេដឹកនាំរូបណាខ្លះ ស្ម័គ្រចិត្តបោះបង់តំណែងនោះ? សម្តេចតេជោ ហ៊ុន សែន ការដាក់ចុះតំណែងក្នុងពេលមានជីវិត គឺជាការប្រសើរជាងការផ្ទេរតំណែងពេលអស់ជីវិត។ សម្តេចតេជោ ហ៊ុន សែន បានថ្លែងថា ការរៀបចំផ្ទេរតំណែងរបស់សម្តេចនាពេលនេះ គឺយកតាមព្រះរាជគំរូរបស់ព្រះបរមរតនកោដ្ឋ។ សម្តេចតេជោ ហ៊ុន សែន ការប្រគល់តួនាទីឱ្យក្រុមយុវជននៅពេលនេះ ជាពេលវេលាដ៏ស័ក្តិសមសម្រាប់ការធានាបានសុខសន្តិភាព និងការអភិវឌ្ឍន៍។ សម្តេចតេជោ ហ៊ុន សែន ការបង្កើតរាជរដ្ឋាភិបាលអាណត្តិថ្មីមានសេនារីយោចំនួនពីរ។ ទី១ គឺឱ្យអ្នកចាស់ដឹកនាំមួយឆ្នាំ ទៅពីរឆ្នាំសិន និងសេនារីយោទី២ គឺឱ្យអ្នកថ្មីដឹកនាំចាប់ពីដើមអាណត្តិតែម្តង។ ចុងក្រោយ គឺសម្រេចយកសេនារីយោទី២។ សម្តេចតេជោ ហ៊ុន សែន អ្នកបន្តវេនបានរៀបចំខ្លួនបានយ៉ាងល្អ សម្រាប់ទទួលអម្រែកបន្តពីអ្នកចាស់។ សម្តេចតេជោ ហ៊ុន សែន លោកបណ្ឌិត ហ៊ុន ម៉ាណែត ចូលកាន់តំណែងជានាយករដ្ឋមន្ត្រីក្នុងអាយុច្រើនជាងសម្តេច រហូតដល់ទៅ១៤ឆ្នាំ។ សម្តេចតេជោ ហ៊ុន សែន បានថ្លែងថា នៅចិន កំណត់អ្នកកាន់តំណែងរាជរដ្ឋាភិបាលអាយុខ្ពស់បំផុតត្រឹម៦៧ឆ្នាំ, នៅវៀតណាម ត្រឹម ៦៥ឆ្នាំ។ សម្តេចតេជោ ហ៊ុន សែន រាជរដ្ឋាភិបាលអាណត្តិថ្មី មានថ្នាក់បណ្ឌិតជាងពាក់កណ្តាល។ សម្តេចតេជោ លេខាផ្ទាល់របស់សម្តេចចំនួន៣ ដែលបានឡើងទៅឧបនាយករដ្ឋមន្ត្រី និងទេសរដ្ឋមន្ត្រី រួមមាន៖ សម្តេចវិបុលបញ្ញា សុខ អាន, ឧបនាយករដ្ឋមន្ត្រី អូន ព័ន្ធមុនីរ័ត្ន និងលោកទេសរដ្ឋមន្ត្រី ចម ប្រសិទ្ធ។ សម្តេចតេជោ អ្នកចាស់មិនទាន់ចាកចេញពីនយោបាយនៅឡើយនោះទេ។ ក្នុងនោះសម្តេចនៅតែជាប្រធានគណបក្ស។ សម្តេចតេជោ សម្តេចមិនព្យាយាមជះឥទ្ធិពលទៅលើការងាររបស់រាជរដ្ឋាភិបាលនោះឡើយ។ សម្តេចតេជោ ផ្តើមចេញពីពិសោធន៍របស់សម្តេចឡើងកាន់តំណែងជានាយករដ្ឋមន្ត្រី ដោយមិនមានតួនាទីជាប្រធានបក្សនោះ គឺសម្តេចទុកលទ្ធភាពឱ្យនាយករដ្ឋមន្ត្រីថ្មី ចាត់ចែងការងារ។ ប៉ុន្តែមិនខុសពីគោលនយោបាយបក្សនោះឡើយ។ សម្តេចតេជោ ថ្លែងអំណរគុណសម្រាប់ការគាំទ្រលោកបណ្ឌិត ហ៊ុន ម៉ាណែត ជានាយករដ្ឋមន្ត្រីសម្រាប់អាណត្តិថ្មី។ សម្តេចតេជោ ចង់នរណានិយាយអ្វី និយាយទៅ។ តែក្នុងរដ្ឋធម្មនុញ្ញមិនបានហាមលោក ហ៊ុន ម៉ាណែត មិនឱ្យធ្វើនាយករដ្ឋមន្ត្រីនោះឡើយ។ សម្តេចតេជោ បើលោក ហ៊ុន ម៉ាណែត មានគ្រោះថ្នាក់ដល់ជីវិត សម្តេចនឹងវិលត្រឡប់មកកាន់នាយករដ្ឋមន្ត្រីវិញ។ សម្តេចតេជោ ការធ្វើបែបនេះ គឺដើម្បីធានាសេចក្តីសុខរបស់ប្រជាពលរដ្ឋ។ សម្តេចតេជោ បានបង្ហើបថា ប្រសិនបើការបោះឆ្នោតនៅអាណត្តិនេះ ទទួលបានការគាំទ្រក្រោម៧០ភាគរយ នោះសម្តេចនឹងបន្តកាន់តំណែងនាយករដ្ឋមន្ត្រី។ សម្តេចតេជោ ហ៊ុន សែន ទម្លាប់របស់សម្តេច មិនដែលបង្គាប់បញ្ជាឱ្យរដ្ឋមន្ត្រីធ្វើបែបនេះ ឬបែបនោះឡើយ គឺផ្តល់ឯករាជ្យដល់ការសម្រេចចិត្តទាំងឡាយ។ សម្តេចតេជោ ផ្តាំទៅក្រុមប្រឆាំងថា បើបន្តវិភាគដូចបច្ចុប្បន្ន ប្រឆាំងដល់ជាតិក្រោយក៏មិនឈ្នះដែរ។ សម្តេចតេជោ ថ្លែងថា ឯកឧត្តម នេត សារវឿន និង​ឯកឧត្តម ស៊ុន ចាន់ថុល នឹងក្លាយទៅជាឧ​បនាយករដ្ឋមន្រ្តី នៅពេលឆាប់ៗខាងមុខ ខណៈអគ្គស្នងការនគរបាលជាតិ និងមានការផ្លាស់ប្តូរ៕